റമദാന്‍ മാസത്തിലെ പകല്‍ മുഴുവന്‍ നീണ്ടുനില്‍ക്കുന്ന നോമ്പിന് ശേഷം ശരീരത്തിന് പെട്ടെന്ന് ഊര്‍ജം നല്‍കാന്‍ ഈന്തപ്പഴവും അണ്ടിപ്പരിപ്പും ചേര്‍ത്ത ഈ പാനീയം മികച്ചതാണ്. രുചികരവും പോഷകസമൃദ്ധവുമായ 'കാജു കാജുര്‍ കൂള്‍ പഞ്ച്' എങ്ങനെ തയ്യാറാക്കാം എന്ന് നോക്കാം.

ചേരുവകള്‍

അണ്ടിപ്പരിപ്പ് (Cashew): 6 എണ്ണം

ഈത്തപ്പഴം (Dates): 4 എണ്ണം (കുരു കളഞ്ഞത്)

തണുത്ത പാല്‍: ആവശ്യത്തിന്

പഞ്ചസാര: ആവശ്യത്തിന് (വേണമെങ്കില്‍ മാത്രം)

 ALSO READ: ഇഫ്താര്‍ / നോമ്പ് തുറക്കാന്‍ ഈത്തപ്പഴം തന്നെ വേണം; ഇത് വെറുമൊരു ശീലമല്ല, ആരോഗ്യകരമായ ഒരു  'പവര്‍ ബാങ്ക്' തന്നെയാണിത് ... ഇതിനു പിന്നില്‍ ഒട്ടേറെ കാരണങ്ങളുണ്ട്..!

ഏലയ്ക്കാപ്പൊടി: ഒരു നുള്ള്

ഐസ് ക്യൂബ്‌സ്: ആവശ്യത്തിന്

ഉരുക്കിയ ചോക്ലേറ്റ് (Melted Chocolate): ഗ്ലാസ് അലങ്കരിക്കാന്‍

കറുത്ത മുന്തിരി & പച്ച മുന്തിരി: അലങ്കരിക്കാന്‍

കാരറ്റ്: ഗ്രേറ്റ് ചെയ്തത് (അലങ്കരിക്കാന്‍)

തയ്യാറാക്കുന്ന വിധം

ഒരു മിക്‌സിയുടെ ജാറിലേക്ക് അണ്ടിപ്പരിപ്പ്, കുരു കളഞ്ഞ ഈത്തപ്പഴം എന്നിവ ചേര്‍ക്കുക. ഇതിലേക്ക് മധുരം വേണമെന്നുണ്ടെങ്കില്‍ ആവശ്യത്തിന് പഞ്ചസാരയും കുറച്ച് തണുത്ത പാലും ചേര്‍ത്ത് നന്നായി അടിച്ചെടുക്കുക.

നന്നായി അരഞ്ഞു വരുമ്പോള്‍ ഇതിലേക്ക് ഒരു നുള്ള് ഏലയ്ക്കാപ്പൊടിയും ഐസ് ക്യൂബുകളും ചേര്‍ത്ത് ഒന്നുകൂടി അടിച്ചെടുക്കുക.

വിളമ്പാനായി എടുത്ത ഗ്ലാസിന്റെ വശങ്ങളില്‍ ഉരുക്കിയ ചോക്ലേറ്റ് ചുറ്റിച്ചെടുത്ത് ഗ്ലാസ് മനോഹരമാക്കുക.

തയ്യാറാക്കി വച്ചിരിക്കുന്ന പാനീയം ഈ ഗ്ലാസിലേക്ക് പകരുക.

ടോപ്പിങ്‌സ്: ഇതിന് മുകളിലായി കറുത്ത മുന്തിരിയും പച്ച മുന്തിരിയും ചേര്‍ക്കുക. അവസാനം ഗ്രേറ്റ് ചെയ്ത കാരറ്റ് കൂടി മുകളില്‍ വിതറി തണുപ്പോടെ കുടിക്കാം..!

A perfect Iftar energy drink made with dates and cashews. Method: Blend 6 cashews, 4 pitted dates, sugar (optional), and cold milk. Add a pinch of cardamom powder and ice cubes, then blend again. Serving: Coat the inside of a chilled glass with melted chocolate. Pour the drink and garnish with black grapes, green grapes, and grated carrots.