മസ്‌കത്ത്: ഗള്‍ഫ് രാജ്യങ്ങള്‍ തമ്മിലുള്ള വിമാനയാത്ര ഇനി കൂടുതല്‍ ലളിതമാകുന്നു. ഗള്‍ഫ് സഹകരണ കൗണ്‍സില്‍യായ ഗള്‍ഫ് കോര്‍പ്പറേഷന്‍ കൗണ്‍സില്‍ 'സിംഗിള്‍ എന്‍ട്രി പോയിന്റ്' എന്ന പുതിയ പദ്ധതി ആരംഭിച്ചു. ആദ്യഘട്ടം യു.എ.ഇ-ബഹ്‌റൈന്‍ സര്‍വീസുകളില്‍ ആരംഭിച്ചെങ്കിലും, ഒമാന്‍ ഉള്‍പ്പെടെ മറ്റ് ജിസിസി രാജ്യങ്ങളിലേക്കും പദ്ധതി വ്യാപിപ്പിക്കാനാണ് ലക്ഷ്യം.

പദ്ധതിയുടെ ഉദ്ഘാടനം ജിസിസി സെക്രട്ടറി ജനറല്‍ ജസീം മുഹമ്മദ് അല്‍ ബുദയ്‌വി സാന്നിധ്യത്തില്‍ നടന്നു. ആദ്യഘട്ടത്തില്‍ യു.എ.ഇയും ബഹ്‌റൈനും തമ്മിലുള്ള വിമാന സര്‍വീസുകളിലാണ് പദ്ധതി നടപ്പാക്കുന്നത്. ഇതിന്റെ ഭാഗമായി സായിദ് ഇന്റര്‍ നാഷണല്‍ എയര്‍പ്പോര്‍ട്ടും മനാമയിലെ ബഹ്‌റൈന്‍ ഇന്റര്‍നാഷണല്‍ എയര്‍പോര്‍ട്ടും ഉള്‍പ്പെടുത്തി പരീക്ഷണത്തിന്റെ അടിസ്ഥാനത്തില്‍ സംവിധാനം ആരംഭിച്ചു. 

പുതിയ സംവിധാനപ്രകാരം യാത്രക്കാര്‍ പുറപ്പെടുന്ന വിമാനത്താവളത്തില്‍ തന്നെ ഇമിഗ്രേഷന്‍ നടപടികള്‍ പൂര്‍ത്തിയാക്കാം. ലക്ഷ്യസ്ഥാനത്ത് ഇറങ്ങിയ ശേഷം വീണ്ടും പരിശോധനയ്ക്ക് നില്‍ക്കേണ്ടതില്ല. ഇതിലൂടെ സമയം ലാഭിക്കാനും വിമാനത്താവളങ്ങളിലെ തിരക്ക് കുറയ്ക്കാനും കഴിയും.

ഗള്‍ഫ് രാജ്യങ്ങള്‍ തമ്മിലുള്ള യാത്രാനുഭവം കൂടുതല്‍ സൗകര്യപ്രദമാക്കുന്നതാണ് പദ്ധതിയുടെ ലക്ഷ്യം. ഭാവിയില്‍ മറ്റ് ജിസിസി രാജ്യങ്ങളിലേക്കും പദ്ധതി വ്യാപിപ്പിക്കുമെന്നാണ് സൂചന.

The GCC has introduced a Single Travel Point system to simplify air travel. Oman may soon benefit as the initiative expands across member states.