കോഴിക്കോട്: 'ഒത്തൊരുമിക്കാം ഒന്നാകാം' എന്ന സന്ദേശമുയര്‍ത്തി കോഴിക്കോട് പാര്‍ലമെന്റ് മണ്ഡലം യൂത്ത് കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ കോണ്‍ഗ്രസ് കുടുംബസംഗമം നടത്തി. ഡി.സി.സി രാജീവ്ഗാന്ധി ഓഡിറ്റോറിയത്തില്‍ നടന്ന പരിപാടി മുന്‍ മഹാരാഷ്ട്രാ ഗവര്‍ണറും മുതിര്‍ന്ന കോണ്‍ഗ്രസ് നേതാവുമായ കെ. ശങ്കരനാരായണന്‍ ഉദ്ഘാടനം ചെയ്തു.
യൂത്ത് കോണ്‍ഗ്രസ് കോഴിക്കോട് പാര്‍ലമെന്റ് മണ്ഡലം പ്രസിഡന്റ് പി.പി നൗഷിര്‍ അധ്യക്ഷനായി. ഡി.സി.സി പ്രസിഡന്റ് കെ.സി അബു, കെ.പി.സി.സി ജനറല്‍ സെക്രട്ടറി അഡ്വ. പി .എം സുരേഷ്ബാബു, മുന്‍മന്ത്രി എം.ടി പത്മ, കെ.പി ബാബു, വി.ടി സുരേന്ദ്രന്‍, പി. മൊയ്തീന്‍മാസ്റ്റര്‍, രമേശ് നമ്പിയത്ത്, അഡ്വ. വിദ്യാ ബാലകൃഷ്ണന്‍, എം.പി ആദംമുല്‍സി, വി. പി ദുല്‍ക്കിഫില്‍ പങ്കെടുത്തു.