ഷാര്‍ജ: തന്റെ സ്രഷ്ടാവിന് മുന്നില്‍ വിനയത്തോടെ കീഴടങ്ങുമ്പോഴാണ് മനുഷ്യന് ആത്മീയമായ നിര്‍വൃതി നേടാന്‍ സാധിക്കുകയെന്നും അതു വഴി ഭൗതികവും പരാത്രികവുമായ വിജയം സാധ്യമാകുമെന്നും സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍. യു.എ.ഇ പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്‌യാന്‍ പ്രഖ്യാപിച്ച '2026 കുടുംബ വര്‍ഷ' ഭാഗമായി ഗള്‍ഫ് സത്യധാര ഷാര്‍ജ സോണല്‍ കമ്മിറ്റി ഷാര്‍ജ സഫാരി മാളില്‍ സംഘടിപ്പിച്ച നാലാമത് റമദാന്‍ പ്രഭാഷണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ആത്മീയ ഉയര്‍ച്ചക്ക് പ്രവാചക മാതൃക പിന്‍പറ്റണമെന്നും അതുവഴി ദൈവിക പ്രീതി കരസ്ഥമാക്കാനാകുമെന്നും അദ്ദേഹം ഓര്‍മിപ്പിച്ചു. സ്വാഗത സംഘം ചെയര്‍മാന്‍ അബ്ദുല്ല ചേലേരി അധ്യക്ഷത വഹിച്ചു. നൗഷാദ് ബാഖവി ചിറയിന്‍കീഴ് റമദാന്‍ പ്രഭാഷണം നടത്തി. കുടുംബ ബന്ധത്തിന്റെ അടിസ്ഥാനം ദാമ്പത്യ ജീവിതമാണെന്നും അതിനെ ഒരു ദൈവാനുഗ്രഹമായിട്ടാണ് വിശുദ്ധ ഖുര്‍ആന്‍ പരിചയപ്പെടുത്തിയതെന്നും അദ്ദേഹം പറഞ്ഞു. പരസ്പര ബഹുമാനവും കരുണയുമാണ് ഏതൊരു ദാമ്പത്യ ജീവിതത്തിന്റെയും വിജയമെന്നും അദ്ദേഹം കൂട്ടിച്ചേര്‍ത്തു.

സയ്യിദ് പൂക്കോയ തങ്ങള്‍ ബാ അലവി ആമുഖ പ്രഭാഷണം നടത്തി. ഗള്‍ഫ് സുപ്രഭാതം ജനറല്‍ കണ്‍വീനര്‍ സയ്യിദ് അബ്ദുറഹ്മാന്‍ തങ്ങള്‍ അബൂദബി, സയ്യിദ് അസ്‌കറലി തങ്ങള്‍, സയ്യിദ് സക്കീര്‍ തങ്ങള്‍ ദുബൈ, അഹമ്മദ് സുലൈമാന്‍ ഹാജി, ഗള്‍ഫ് സുപ്രഭാതം കണ്‍വീനര്‍ അബ്ദുറസാഖ് വളാഞ്ചേരി, ഇബ്രാഹിം ഹാജി കുണിയ, മന്‍സൂര്‍ മൂപ്പന്‍, ഷറഫുദ്ദീന്‍ ഹുദവി, ബീരാന്‍ ബാഖവി, അബ്ദുറഷീദ് ബാഖവി, ജലീല്‍ ഹാജി ഒറ്റപ്പാലം, സി.സി മൊയ്തു, അക്ബര്‍ ഹാജി ചെറുമുക്ക്, തമീം അബൂബക്കര്‍ തുടങ്ങിയവര്‍ പങ്കെടുത്തു. മൊയ്തു നിസാമി പ്രാര്‍ഥനക്ക് നേതൃത്വം നല്‍കി. സി.എ ഷാഫി മാസ്റ്റര്‍ സ്വാഗതവും സഫീര്‍ ജാറംകണ്ടി നന്ദിയും പറഞ്ഞു.

English Summary: Sayyid Muhammad Jifri Muthukkoya Thangal, President of Samastha, emphasized that true spiritual fulfillment is achieved when a human humbly submits to their Creator. Speaking at the inauguration of the fourth Ramadan lecture organized by the Gulf Satyadhara Sharjah Zonal Committee, he noted that such devotion leads to success in both worldly life and the hereafter.