അബൂദബി: വ്യോമപാതയിലുണ്ടായ തടസ്സങ്ങളെത്തുടര്‍ന്ന് അബൂദബിയിലേക്കും തിരിച്ചുമുള്ള വിമാന സര്‍വീസുകള്‍ നിര്‍ത്തിവെക്കുന്നത് ഇത്തിഹാദ് എയര്‍വേയ്‌സ് നീട്ടി. യുഎഇ സമയം ബുധനാഴ്ച (മാര്‍ച്ച് 4) ഉച്ചയ്ക്ക് രണ്ട് മണി വരെയാണ് എല്ലാ ഷെഡ്യൂള്‍ഡ് കൊമേഴ്‌സ്യല്‍ വിമാനങ്ങളും റദ്ദാക്കിയത്. നിലവിലെ സാഹചര്യങ്ങള്‍ കണക്കിലെടുത്താണ് ഈ തീരുമാനം.  വിമാനക്കമ്പനിയില്‍ നിന്ന് നേരിട്ട് നിര്‍ദ്ദേശങ്ങള്‍ ലഭിക്കാതെ യാത്രക്കാര്‍ വിമാനത്താവളത്തിലേക്ക് പോകരുതെന്ന് അധികൃതര്‍ അറിയിച്ചു. യാത്രയ്ക്ക് മുന്‍പായി വിമാനത്തിന്റെ സ്ഥിതിവിവരങ്ങള്‍ (flight status)  etihad.com എന്ന വെബ്‌സൈറ്റ് വഴി പരിശോധിക്കണം. ബുക്കിംഗിലെ ഫോണ്‍ നമ്പര്‍, ഇമെയില്‍ എന്നിവ കൃത്യമാണെന്ന് ഉറപ്പുവരുത്തണമെന്നും കമ്പനി അറിയിച്ചു.
ഫോണ്‍ കോളുകളുടെ തിരക്ക് ഒഴിവാക്കാന്‍ റീഫണ്ട് ആവശ്യങ്ങള്‍ക്കായി ഓണ്‍ലൈന്‍ സംവിധാനം തന്നെ പ്രയോജനപ്പെടുത്തണമെന്ന് ഇത്തിഹാദ് നിര്‍ദ്ദേശിച്ചു. സുരക്ഷയ്ക്കാണ് പ്രഥമ പരിഗണനയെന്നും നിയന്ത്രണങ്ങള്‍ നീങ്ങിയാല്‍ ഉടന്‍ സര്‍വീസുകള്‍ പുനരാരംഭിക്കുമെന്നും അധികൃതര്‍ വ്യക്തമാക്കി.

ടിക്കറ്റ് മാറ്റുന്നതിനും റീഫണ്ടിനും:

* റീബുക്കിംഗ്: 2026 ഫെബ്രുവരി 28നോ അതിനുമുമ്പോ ടിക്കറ്റ് എടുത്തവര്‍ക്കും മാര്‍ച്ച് 7 വരെ യാത്ര നിശ്ചയിച്ചിട്ടുള്ളവര്‍ക്കും മാര്‍ച്ച് 18 വരെയുള്ള വിമാനങ്ങളില്‍ സൗജന്യമായി ടിക്കറ്റ് മാറ്റിയെടുക്കാം
* റീഫണ്ട്: മാര്‍ച്ച് 7 വരെയുള്ള ടിക്കറ്റുകള്‍ക്ക് റീഫണ്ട് ലഭിക്കുന്നതിനായി ഇത്തിഹാദിന്റെ വെബ്‌സൈറ്റിലെ ഓണ്‍ലൈന്‍ ഫോം വഴിയോ ട്രാവല്‍ ഏജന്റുമാര്‍ വഴിയോ അപേക്ഷിക്കാം.

ALSO READ: കരുത്ത് തെളിയിച്ച് യു.എ.ഇ പ്രതിരോധ സംവിധാനം; ഭൂരിഭാഗം മിസൈലുകളും ഡ്രോണുകളും തകര്‍ത്തു; കേള്‍ക്കുന്നത് സ്‌ഫോടന ശബ്ദമല്ല, നിര്‍വീര്യമാക്കുന്നതിന്റെത്

Etihad Airways has extended the suspension of all scheduled commercial flights to and from Abu Dhabi until 2:00pm UAE time on Wednesday, 4 March, citing ongoing regional airspace disruptions. Passengers are advised not to travel to the airport unless contacted directly by the airline with confirmed instructions.