വൈക്കം : താലൂക്ക് എന്‍.എസ്.എസ് വനിതാ യൂനിയന്റെ ആഭിമുഖ്യത്തില്‍ യൂനിയന്‍ ഓഡിറ്റോറിയത്തില്‍ ഓണാഘോഷവും ഓണപ്പൂക്കള മത്സരവും സംഘടിപ്പിച്ചു. താലൂക്കിലെ 97 കരയോഗങ്ങളിലെയും വനിതാസമാജ അംഗങ്ങളെ പങ്കെടുപ്പിച്ചുകൊണ്ടു നടത്തിയ ആഘോഷപരിപാടികളുടെ ഉദ്ഘാടനം യൂനിയന്‍ പ്രസിഡന്റ് ഡോ. സി.ആര്‍ വിനോദ്കുമാര്‍ നിര്‍വഹിച്ചു. വനിതാ യൂനിയന്‍ പ്രസിഡന്റ് കെ.ജി രാജലക്ഷ്മി അധ്യക്ഷത വഹിച്ചു. വൈസ് പ്രസിഡന്റ് എല്‍.കൃഷ്ണകുമാരിയമ്മ, ട്രഷറര്‍ ശ്രീലേഖാ മണിലാല്‍, യൂണിയന്‍ സെക്രട്ടറി കെ.വി വേണുഗോപാല്‍, എന്‍.ജി ബാലചന്ദ്രന്‍, എം.ഗോപാലകൃഷ്ണന്‍ എന്നിവര്‍ സംസാരിച്ചു.