തൊടുപുഴ: നഗരത്തിലെ പ്രമുഖ സ്വകാര്യ സ്‌കൂളിലെ ഓണാഘോഷത്തിനിടെ പിഞ്ചുകുഞ്ഞിന്റെ ആരഞ്ഞാണം മോഷ്ടിച്ചു. സംഭവത്തില്‍ വീട്ടമ്മയെ പൊലിസ് പിടികൂടി. ശനിയാഴ്ചയാണ് സംഭവം. ചേച്ചിയുടെ ഓണാഘോഷത്തില്‍ പങ്കെടുക്കാന്‍ അമ്മയ്‌ക്കൊപ്പമെത്തിയ കുഞ്ഞിന്റെ അരഞ്ഞാണമാണ് വീട്ടമ്മ തട്ടിയെടുത്തത്. ഇതിനുശേഷം അരഞ്ഞാണം നഗരത്തിലെ ഒരു സ്വകാര്യ പണമിടപാട് സ്ഥാപനത്തില്‍ വീട്ടമ്മ പണയം വെയ്ക്കുകയും ചെയ്തു. അരഞ്ഞാണം പോയതായി പൊലിസ് സ്‌റ്റേഷനിലും സ്‌കൂള്‍ അധികൃതരുടെ അടുക്കലും പരാതി ലഭിച്ചു.
പൊലിസ് അന്വേഷണത്തിലാണ് വീട്ടമ്മ കുടുങ്ങിയത്. അരഞ്ഞാണം ഇന്ന് പൊലിസ് സ്വാകാര്യ സ്ഥാപനത്തില്‍ നിന്നും വീണ്ടെടുക്കും.