മക്ക: റമദാൻ മാസത്തിൽ ഇരുഹറമുകളിലുമായി എത്തിയ ദശലക്ഷക്കണക്കിന് തീർഥാടകർക്കായി ഒരുക്കിയ പ്രവർത്തന പദ്ധതി വൻ വിജയമെന്ന് ഇരുഹറം കാര്യാലയ അതോറിറ്റി. ജനത്തിരക്ക് കാര്യക്ഷമമായും അതീവ ജാ​ഗ്രതയോടെയും നിയന്ത്രണവിധേയമാക്കാൻ സാധിച്ചതായും അധികൃതർ വ്യക്തമാക്കി. ആസൂത്രണത്തിലൂടെയും സേവന-സുരക്ഷാ-ആരോഗ്യ വിഭാഗങ്ങളുടെ കൂട്ടായ പ്രവർത്തനത്തിലൂടെയുമാണ് ഈ നേട്ടങ്ങൾ കൈവരിച്ചത്.

ALSO READ: സഊദി അറേബ്യയിൽ വസന്തകാലത്തിന് തുടക്കമായി; 88 ദിവസം നീണ്ടുനിന്ന ശൈത്യകാലത്തിന് അവസാനമായി

തീർഥാടകർക്ക് യാതൊരുവിധ തടസ്സങ്ങളുമില്ലാതെ കർമ്മങ്ങൾ നിർവ്വഹിക്കാനുള്ള സാഹചര്യം അതോറിറ്റി ഒരുക്കി നൽകി. മുൻകൂട്ടിയുള്ള പ്ലാനിങ്, ഫീൽഡ് തലത്തിലുള്ള കൃത്യമായ നടത്തിപ്പ്, വിവിധ സർക്കാർ ഏജൻസികൾ തമ്മിലുള്ള മികച്ച ഏകോപനം എന്നിവയാണ് ഇതിനായി അതോറിറ്റിയെ സഹായിച്ചത്. തീർഥാടകരുടെ ആത്മീയ അനുഭവം കൂടുതൽ മികച്ചതാക്കാൻ ഈ കൂട്ടായ പ്രവർത്തനത്തിലൂടെ സാധിച്ചതായും അതോറിറ്റി കൂട്ടിച്ചേർത്തു.

The General Authority for the Care of the Two Holy Mosques announces the successful execution of its Ramadan operational plan, ensuring seamless crowd management and high-quality services for millions of pilgrims in Makkah and Madinah.