ദുബൈ: മിഡിൽ ഈസ്റ്റിലെ നിലവിലെ സാഹചര്യങ്ങൾ പരിഗണിച്ച് ഇന്ത്യക്കും യുഎഇക്കും ഇടയിലുള്ള വിമാന സർവീസുകളിൽ മാറ്റം വരുത്തി ഇൻഡിഗോ എയർലൈൻസ്. 2026 മാർച്ച് 22-ലേക്കുള്ള പുതുക്കിയ ഷെഡ്യൂളുകൾ പ്രകാരം ദുബൈ, അബുദബി, ഷാർജ എന്നിവിടങ്ങളിലേക്കുള്ള ചില വിമാനങ്ങൾ സർവീസ് നടത്തുമെന്ന് എയർലൈൻ അറിയിച്ചു.

നിലവിലെ സുരക്ഷാ സാഹചര്യങ്ങളും റെഗുലേറ്ററി അനുമതികളും കണക്കിലെടുത്താണ് വിമാനങ്ങൾ ക്രമീകരിച്ചിരിക്കുന്നത്. സാഹചര്യങ്ങൾ മാറുന്നതിനനുസരിച്ച് ഷെഡ്യൂളുകളിലും മാറ്റം വരാൻ സാധ്യതയുള്ളതിനാൽ, വിമാനത്താവളത്തിലേക്ക് തിരിക്കുന്നതിന് മുൻപായി യാത്രക്കാർ തങ്ങളുടെ ഫ്ലൈറ്റ് സ്റ്റാറ്റസ് നിർബന്ധമായും പരിശോധിക്കണമെന്ന് ഇൻഡിഗോ അഭ്യർത്ഥിച്ചു.

മാർച്ച് 22-ലെ പ്രധാന സർവീസുകൾ

ദുബൈ (DXB): മുംബൈയിൽ നിന്നുള്ള വിമാനങ്ങൾ (6E 1453), തിരികെ മുംബൈയിലേക്ക് (6E 1454).

അബുദാബി (AUH): മുംബൈ (6E 1401), ഡൽഹി (6E 1405) എന്നിവിടങ്ങളിൽ നിന്നുള്ള സർവീസുകളും തിരികെയുള്ള വിമാനങ്ങളും (6E 1402, 6E 1406).

ഷാർജ (SHJ): ഹൈദരാബാദിൽ നിന്നുള്ള വിമാനം (6E 1421), തിരികെ ഹൈദരാബാദിലേക്ക് (6E 1422).

ഇവ കൂടാതെ ജിദ്ദ, റിയാദ്, മസ്കത്ത്, മദീന, ഇസ്താംബുൾ എന്നിവിടങ്ങളിലേക്കും കൊച്ചി ഉൾപ്പെടെയുള്ള പ്രമുഖ ഇന്ത്യൻ നഗരങ്ങളിലേക്കും സർവീസുകൾ തുടരുമെന്ന് അധികൃതർ വ്യക്തമാക്കി.

യാത്രക്കാർ ശ്രദ്ധിക്കാൻ

സ്റ്റാറ്റസ് പരിശോധിക്കുക: വിമാന സമയത്തിൽ അവസാന നിമിഷം മാറ്റങ്ങൾ ഉണ്ടായേക്കാം. എയർലൈൻ വെബ്‌സൈറ്റ് വഴിയോ ആപ്പ് വഴിയോ സ്റ്റാറ്റസ് ഉറപ്പാക്കുക.

സഹായ കേന്ദ്രം: യാത്രക്കാരുടെ സംശയങ്ങൾ ദൂരീകരിക്കുന്നതിനായി പ്രത്യേക കോൺടാക്റ്റ് സെന്റർ ഡെസ്‌ക് സജ്ജീകരിച്ചിട്ടുണ്ട്.
 
സുരക്ഷ പ്രധാനം: യാത്രക്കാരുടെയും ജീവനക്കാരുടെയും സുരക്ഷയ്ക്കാണ് മുൻഗണനയെന്നും അനിശ്ചിതത്വങ്ങൾക്കിടയിലും തടസ്സമില്ലാത്ത യാത്ര ഉറപ്പാക്കാൻ ടീമുകൾ 24 മണിക്കൂറും പ്രവർത്തിക്കുന്നുണ്ടെന്നും ഇൻഡിഗോ അറിയിച്ചു.

കൂടുതൽ വിവരങ്ങൾക്കും തത്സമയ അപ്‌ഡേറ്റുകൾക്കുമായി ഇൻഡിഗോയുടെ ഔദ്യോഗിക വെബ്‌സൈറ്റ് സന്ദർശിക്കുക.

indigo airlines issues travel advisory for uae-india passengers due to flight schedule changes.