ആലപ്പുഴ:കുട്ടനാട് നിയോജകമണ്ഡലം സ്വതന്ത്ര സ്ഥാനാര്‍ഥിയായി നാമനിര്‍ദേശപത്രിക നല്‍കിയ ജില്ലാ ഡി.സി.സി മുന്‍ വൈസ് പ്രസിഡന്റ് സജി ജോസഫ്  നാമനിര്‍ദ്ദേശപത്രിക പിന്‍വലിച്ചു. യു.ഡി.എഫ് നേതൃത്വം നല്‍കിയ ഉറപ്പിനെ തുടര്‍ന്നാണ് നാമ നിര്‍ദേശക പത്രിക  പിന്‍വലിക്കുന്നതെന്ന് സജി ജോസഫ് പറഞ്ഞു. വൈകിട്ട്  മൂന്നുമണിയോടെ ആലപ്പുഴ കളക്ടറേറ്റില്‍ എത്തിയാണ് നാമനിര്‍ദ്ദേശ പത്രിക പിന്‍വലിച്ചത്.

കുട്ടനാട് സീറ്റ് കേരള കോണ്‍ഗ്രസ് ജോസഫില്‍ നിന്ന് ഏറ്റെടുക്കാത്തതില്‍ പ്രതിഷേധിച്ചായിരുന്നു സജി ജോസഫ് വിമതനായി മത്സരിക്കാന്‍ തീരുമാനിച്ചിരുന്നത്. 

കുട്ടനാട്ടില്‍ കേരള കോണ്‍ഗ്രസ് ജോസഫ് പ്രതിനിധി റെജി ചെറിയാനാണ് യു.ഡി.എഫ് സ്ഥാനാര്‍ത്ഥി. കഴിഞ്ഞ നിയമസഭാ തെരഞ്ഞെടുപ്പില്‍ ചെറിയ ഭൂരിപക്ഷത്തിനായിരുന്നു യു.ഡി.എഫിന് കുട്ടനാട് സീറ്റ് നഷ്ടമായത്. ഇത്തവണ ആ സീറ്റ് റെജി ചെറിയാനിലൂടെ തിരിച്ചുപിടിക്കാനാകുമെന്നാണ് കേരള കോണ്‍ഗ്രസ് ജോസഫ് വിഭാഗം കണക്ക് കൂട്ടുന്നത്.

In a relief to the Indian National Congress, rebel candidate Saji Joseph has withdrawn his nomination from Kuttanad. The move is expected to ease internal tensions within the party and strengthen its position in the constituency ahead of the elections.