ടെഹ്‌റാന്‍: ബന്ദര്‍ അബ്ബാസില്‍ യു.എസും ഇസ്‌റാഈലും നടത്തിയ സംയുക്ത ആക്രമണത്തില്‍ ഇസ്‌ലാമിക് റവല്യൂഷണറി ഗാര്‍ഡ് കോര്‍ നാവികസേന മേധാവി അലിറേസ തങ്‌സിരി കൊല്ലപ്പെട്ടതായി ഇസ്‌റാഈല്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു. 2018 മുതല്‍ കമാന്‍ഡറായി സേവനമനുഷ്ഠിക്കുന്ന അലിറേസ തങ്‌സിരി പലതവണ വധശ്രമങ്ങളില്‍ നിന്ന് രക്ഷപ്പെട്ടിട്ടുള്ള വ്യക്തിയാണ്. അതേസമയം, അലിറേസ തങ്‌സിരി കൊല്ലപ്പെട്ടെന്ന് ഇറാനോ ഇസ്‌റാഈലി സൈന്യമോ ഔദ്യോഗികമായി ഇതുവരെ സ്ഥിരീകരിച്ചിട്ടില്ല. 

ALSO READ: ഇറാന്റെ തിരിച്ചടിയില്‍ യു.എസിനുണ്ടായത് ചില്ലറ നഷ്ടമല്ല; മിഡില്‍ ഈസ്റ്റിലെ 13 സൈനികത്താവളങ്ങള്‍ 'നാമാവശേഷമായ'തായി റിപ്പോര്‍ട്ട്, സൈനികര്‍ ഹോട്ടലുകളില്‍ അഭയം തേടി

ടൈംസ് ഓഫ് ഇസ്രയേല്‍ റിപ്പോര്‍ട്ട് അനുസരിച്ച് ഹോര്‍മുസ് കടലിടുക്കിലെ സുപ്രധാന നീക്കങ്ങള്‍ക്ക് ചുക്കാന്‍പിടിക്കുന്ന ഉദ്യോഗസ്ഥനാണ് അലിറേസ. ഇദ്ദേഹത്തിന്റെ മരണം ഇറാന്റെ സൈനിക ശേഷിക്ക് വലിയ തിരിച്ചടിയാകുമെന്നാണ് വിലയിരുത്തപ്പെടുന്നത്. 

ഫെബ്രുവരി 28 ന് അമേരിക്കയും ഇസ്റാഈലും ഏകപക്ഷീയമായി നടത്തിയ ആക്രമണങ്ങളാണ് പശ്ചിമേഷ്യയില്‍ യുദ്ധസമാന സാഹചര്യത്തിന് കാരണമായത്. ഇറാന്റെ പരമോന്നത നേതാവ് ആയത്തുള്ള അലി ഖാംനഈ കൊല്ലപ്പെട്ടതിനെ തുടര്‍ന്നാണ് ഇറാന്‍ തിരിച്ചടി ശക്തമാക്കിയത്.

Israel has claimed that an Iranian naval commander, Alireza, has been killed amid ongoing tensions with Iran. The development adds to the escalating conflict in the region, raising concerns about further instability in the Middle East. Details surrounding the incident are still emerging.