കണ്ണൂര്‍: കണ്ണൂര്‍ സര്‍വകലാശാലയില്‍ നിന്നു ഡോക്ടറേറ്റ് നേടിയ കൃഷ്ണാ ജ്വല്‍സ് എം.ഡി സി.വി രവീന്ദ്രനാഥിനെ ജീവനക്കാരും കുടുംബാംഗങ്ങളും അനുമോദിച്ചു. എം ശിവദാസന്‍ അധ്യക്ഷനായി. എ പത്മനാഭന്‍ പൊന്നാട അണിയിച്ചു. മതമൗലികവാദത്തെയും ഭീകരവാദത്തെയും ചെറുക്കാന്‍ ധ്യാനത്തിനും യോഗയ്ക്കും സാധിക്കുമെന്ന് സമര്‍ഥിച്ച് സമര്‍പ്പിച്ച ഗവേഷണത്തിനാണു രവീന്ദ്രനാഥിനു ഡോക്ടറേറ്റ് ലഭിച്ചത്.
സി.വി രവീന്ദ്രനാഥിനു പത്മജ ഉപഹാരവും സി.കെ ലക്ഷ്മണന്‍ ഓണക്കോടിയും ശ്രീജ ലക്ഷ്മണന്‍ പൂച്ചെണ്ടും നല്‍കി. പി.കെ കുട്ടികൃഷ്ണന്‍ സംസാരിച്ചു. കമല കുഞ്ഞിക്കണ്ണന്‍, എം പ്രമോദ്, എം പ്രവീഷ് കുമാര്‍, സുധാ രവീന്ദ്രനാഥ്, സനിത രവീന്ദ്രനാഥ്, ശുഭ രവീന്ദ്രനാഥ് സംബന്ധിച്ചു.