പെരിന്തല്‍മണ്ണ: നിരവധി കേസുകളില്‍ ഉള്‍പ്പെട്ട രണ്ടുപേരെ പെരിന്തല്‍മണ്ണ പൊലിസ് അറസ്റ്റ് ചെയ്തു. കടുങ്ങപുരം വില്ലേജ്പടിയിലെ ഓട്ടുപറമ്പില്‍ റഷീദ് (45), പട്ടിക്കാട് സ്വദേശി ഓട്ടുപറമ്പില്‍ അജ്മല്‍ (21) എന്നിവരെയാണ് പ്രത്യേക അന്വേഷണ സംഘം അറസ്റ്റ് ചെയ്തത്.
പാണ്ടണ്ടിക്കാട് ഒറവംപുറത്തെ മലഞ്ചരക്ക് കടയില്‍നിന്ന് പകല്‍സമയത്ത് ഒരു ലക്ഷം രൂപയുടെ കുരുമുളക് മോഷ്ടിച്ച സംഭവത്തില്‍ നാട്ടുകാരുടെ ശ്രദ്ധയില്‍പെട്ട ഹ്യൂണ്ടണ്ടായി ഇയോണ്‍ കാറിനെ ചുറ്റിപ്പറ്റി നടത്തിയ അന്വേഷണത്തിലൊടുവിലാണ് പ്രതികളെ പിടികൂടിയത്. വാടകയ്‌ക്കെടുത്ത കാറുകളില്‍ ചുറ്റിക്കറങ്ങി മലഞ്ചരക്ക് കടകളുടെ തൊട്ടടുത്ത് കാര്‍ നിര്‍ത്തിയ ശേഷം കടയില്‍ കയറി കുരുമുളക്, അടക്ക, ജാതിക്ക തുടങ്ങിയവ മോഷ്ടിക്കലാണ് ഇവരുടെ പതിവ്. പ്രതികളുടെ പേരില്‍ മേലാറ്റൂര്‍, എടവണ്ണ സ്റ്റേഷനുകളില്‍ സമാന കേസുകള്‍ നിലവിലുണ്ട്. ഇത്തരത്തില്‍ മുപ്പത്തിയഞ്ചോളം മലഞ്ചരക്ക് കടകളില്‍ മോഷണം നടത്തിയതായി ഇവര്‍ സമ്മതിച്ചിട്ടുണ്ടണ്ട്.
പ്രതികളെ കോടതിയില്‍ ഹാജരാക്കി. അടുത്ത ദിവസം കസ്റ്റഡിയില്‍ വാങ്ങിയ ശേഷം കൂടുതല്‍ തെളിവെടുപ്പ് നടത്തുമെന്നു പൊലിസ് അറിയിച്ചു.