വേങ്ങര: കണ്ണമംഗലം കൊറ്റശ്ശേരിപുറായ അമീന്‍ ജുമാമസ്ജിദിലെ ഖബര്‍സ്ഥാനിലേക്ക് മഹല്ല് കൂട്ടായ്മയില്‍ കോണ്‍ക്രീറ്റ് ചെയ്ത് നിര്‍മിച്ച 200 മീറ്ററോളം വരുന്ന റോഡ് പെരുന്നാള്‍ നിസ്‌കാരശേഷം മഹല്ല്‌നിവാസികളുടെ സാന്നിധ്യത്തില്‍ പ്രസിഡന്റ് ഇ.കെ കുഞ്ഞഹമ്മദ് കുട്ടി മാസ്റ്റര്‍ ഉദ്ഘാടനം ചെയ്തു.
കാലങ്ങളായി ദുര്‍ഘടമായ വഴിയിലൂടെയായിരുന്നു മയ്യിത്തുകള്‍ ഖബര്‍സ്ഥാനിലേക്ക് കൊണ്ടുപോയിരുന്നത്. ഇതിനു പരിഹാരമായി ദീര്‍ഘകാലമായുള്ള നാട്ടുകാരുടെ ആഗ്രഹമാണ് റോഡ് ഉദ്ഘാടനത്തോടെ സഫലമായത്. സെക്രട്ടറി കെ.വി ഖാദര്‍ ഹാജി അധ്യക്ഷനായി.
മഹല്ല് ഖത്വീബ് സലാഹുദ്ദീന്‍ ബാഖവി, കുന്നത്ത് മുഹമ്മദ് ഹാജി, വി.ടി മുഹമ്മദ് ഹാജി, വി.ടി ചിങ്കിളി ഹാജി, കെ.വി കോമുക്കുട്ടി ഹാജി, സി.വി മുഹമ്മദലി, പുള്ളാട്ട് അഷ്‌റഫ് സംസാരിച്ചു.