കുവൈത്ത് സിറ്റി: കുവൈത്തിൽ ജോലിയിൽ നിന്ന് വിരമിച്ച ജീവനക്കാരെയും നിലവിൽ ജോലി ചെയ്യുന്നവരെയും ലക്ഷ്യമിട്ട് സോഷ്യൽ മീഡിയ വഴി വ്യാപകമായ രീതിയിൽ വ്യാജ നിക്ഷേപ പദ്ധതികൾ പ്രചരിക്കുന്നതായി അധികൃതർ. പബ്ലിക് ഇൻസ്റ്റിറ്റൂഷൻ ഫോർ സോഷ്യൽ സെക്യൂരിറ്റിയുടെ (PIFSS) പേരിൽ പ്രചരിക്കുന്ന ഈ റിപ്പോർട്ടുകൾ തീർത്തും അടിസ്ഥാനരഹിതമാണെന്നും പൊതുജനങ്ങൾ വഞ്ചിതരാകരുതെന്നും ഗവൺമെന്റ് കമ്മ്യൂണിക്കേഷൻ സെന്റർ പുറത്തിറക്കിയ പ്രസ്താവനയിൽ അറിയിച്ചു.

പുതിയ നിക്ഷേപ പദ്ധതികൾ ആരംഭിച്ചുവെന്ന രീതിയിൽ തെറ്റിദ്ധരിപ്പിക്കുന്ന വിവരങ്ങളാണ് ഓൺലൈൻ പ്ലാറ്റ്‌ഫോമുകളിൽ പ്രചരിക്കുന്നത്. ഇത്തരം തട്ടിപ്പ് ലിങ്കുകളിലൂടെയോ സന്ദേശങ്ങളിലൂടെയോ വ്യക്തിഗത വിവരങ്ങളോ ബാങ്ക് അക്കൗണ്ട് വിശദാംശങ്ങളോ ആവശ്യപ്പെട്ടാൽ യാതൊരു കാരണവശാലും അവ പങ്കിടരുതെന്ന് അധികൃതർ കർശന നിർദ്ദേശം നൽകി. വ്യാജ സ്ഥാപനങ്ങളോ വ്യക്തികളോ നടത്തുന്ന ഇത്തരം സാമ്പത്തിക ഇടപാടുകൾ വലിയ തട്ടിപ്പുകൾക്ക് വഴിമാറാൻ സാധ്യതയുണ്ടെന്നും പ്രസ്താവനയിൽ പറയുന്നു.

ALSO READ: കുവൈത്ത് ഓഹരി വിപണി; ലാഭത്തിൽ നേരിയ കുറവ്; ബാങ്കിങ്, ടെലികോം മേഖലകളിൽ മുന്നേറ്റം തുടരുന്നു

നിക്ഷേപങ്ങളുമായോ ആനുകൂല്യങ്ങളുമായോ ബന്ധപ്പെട്ട ഏതൊരു ഔദ്യോഗിക വിവരത്തിനും സോഷ്യൽ സെക്യൂരിറ്റി സ്ഥാപനത്തിന്റെ ഔദ്യോഗിക വെബ്‌സൈറ്റിനെയോ അംഗീകൃത സോഷ്യൽ മീഡിയ ചാനലുകളെയോ മാത്രം ആശ്രയിക്കാൻ സർക്കാർ പൗരന്മാരോടും താമസക്കാരോടും അഭ്യർത്ഥിച്ചു. തട്ടിപ്പുകാരെ തിരിച്ചറിയാൻ പൊതുജനങ്ങൾ ജാഗ്രത പാലിക്കണമെന്നും ഇത്തരം വ്യാജ സന്ദേശങ്ങൾ പ്രചരിപ്പിക്കുന്നത് കുറ്റകരമാണെന്നും അധികൃതർ കൂട്ടിച്ചേർത്തു.

Kuwait authorities warn about rising online scams targeting retired workers, urging vigilance against fraudulent messages and calls, while advising residents to avoid sharing personal or financial details and report suspicious activities to ensure safety and prevent financial losses.