കൊല്ലം: പണം വച്ച് ചീട്ടു കളിച്ചതിന് വ്യത്യസ്ത സ്ഥലങ്ങളില്‍ നിന്നും നിരവധിപേരെ കൊല്ലം ഈസ്റ്റ് പൊലിസ് അറസ്റ്റു ചെയ്തു.
കൊല്ലം റെയില്‍വേ ക്വാര്‍ട്ടേഴ്‌സ് കോമ്പൗണ്ടില്‍ നിന്നും , കൊല്ലം നഗരത്തിലെ ഒരു പ്രമുഖ ഹോട്ടലിലെ റൂമില്‍ നിന്നുമാണ് പന്ത്രണ്ടോളം പേര്‍ പിടിയിലായത്. ഇവരില്‍ നിന്നും അറുപതിനായിരത്തോളം രൂപ പിടിച്ചെടുത്തു. നഗരത്തിലെ ആഡംബരഹോട്ടലുകള്‍ കേന്ദ്രീകരിച്ചും വീടുകള്‍ വാടകക്കെടുത്തും ചൂതുകളി സംഘങ്ങള്‍ സജീവമായതായി പൊലിസിന് വിവരം ലഭിച്ചിട്ടുണ്ട്. കൊല്ലം സിറ്റി പൊലിസ് കമ്മിഷണര്‍ സതീഷ് ബിനോയുടെ നിര്‍ദ്ദേശ പ്രകാരം കൊല്ലം എ.സി.പി ജോര്‍ജ് കോശി, കൊല്ലം ഈസ്റ്റ് സി.ഐ.മഞ്ജുലാല്‍, ഈസ്റ്റ് എസ്.ഐ എസ്.ജയകൃഷ്ണന്‍ സിറ്റി ഷാഡോ പൊലിസ് ടീം എന്നിവരുടെ നേതൃത്വത്തിലായിരുന്ന അറസ്റ്റ്.