തിരുവനന്തപുരം:ചൂടില്‍ ഉരുകിത്തളര്‍ന്ന് കേരളം. താപനില ഉയരാന്‍ സാധ്യതയുള്ളതിനാല്‍ ഇടുക്കി, വയനാട് ഒഴികെയുള്ള 12 ജില്ലകളില്‍ വെള്ളിയാഴ്ച വരെ യെലോ അലര്‍ട്ട് പ്രഖ്യാപിച്ചു. 

പാലക്കാട് ജില്ലയില്‍ ഇന്നു മുതല്‍ ഏപ്രില്‍ 24 വരെ താപനില 40 ഡിഗ്രി വരെ ഉയരാന്‍ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. കൊല്ലം ജില്ലയില്‍ 39 ഡിഗ്രി വരെയും കോട്ടയത്ത് 38 ഡിഗ്രി വരെയും ആലപ്പുഴ, പത്തനംതിട്ട, എറണാകുളം, തൃശൂര്‍, മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ 37 ഡിഗ്രി വരെയും തിരുവനന്തപുരത്ത് 36 ഡിഗ്രി വരെയും താപനില ഉയരുമെന്നാണ് മുന്നറിയിപ്പ്. സാധാരണ താപനിലയേക്കാള്‍ മൂന്നുമുതല്‍ 4 ഡിഗ്രി വരെ കൂടുതലാണിത്.

ഉയര്‍ന്ന താപനിലയും ഈര്‍പ്പമുള്ള വായുവും കാരണം ഈ ജില്ലകളില്‍, മലയോര മേഖലകളിലൊഴികെ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ടെന്നും മുന്നറിയിപ്പില്‍ പറയുന്നു.

Kerala is experiencing intense heat, with Palakkad recording temperatures of 40°C. The India Meteorological Department has issued a yellow alert in 12 districts, warning of rising temperatures and urging people to take precautions against heat-related illnesses.