ചെങ്ങന്നൂര്‍: വയോധികന്റെ മരണത്തില്‍ അസ്വാഭാവികതയുണ്ടെന്ന മരുമകളുടെ പരാതിയില്‍ മൃതദേഹം സെമിത്തേരിയില്‍ നിന്ന് പുറത്തെടുത്ത് പോസ്റ്റ് മോര്‍ട്ടം നടത്താന്‍ ഉത്തരവ്. ചെങ്ങന്നൂര്‍ ആര്‍.ഡി.ഒ എം.എസ്. ഷാജുവാണ് ഉത്തരവിട്ടത്. 

പുലിയൂര്‍പേരിശ്ശേരി പടിഞ്ഞാറേ പറമ്പില്‍ എം. യേശുദാസിന്റെ (74) മരണത്തിന്‍ സംശയം ആരോപിച്ച് മരുമകള്‍ ലീനാബിന്‍സ് ചെങ്ങന്നൂര്‍ പൊലിസിനും സ്ഥലം എം.എല്‍.എയ്ക്കുംക്കും പരാതിനല്‍കിയിരുന്നു. തുടര്‍ന്ന് പൊലിസ് നടത്തിയ പ്രാഥമികാന്വേഷണത്തില്‍ എഫ്.ഐ.ആര്‍ രജിസ്റ്റര്‍ ചെയ്തിരുന്നു. ഇന്നു രാവിലെ 10.30 ന് മുതദേഹം പുറത്തെടുത്ത് പോസ്റ്റ് മോര്‍ട്ടം നടത്തും. കഴിഞ്ഞ 20നാണ് യേശുദാസന്‍ മരിച്ചത്. രക്തം ഛര്‍ദിച്ച് അവശനിലയിലായ യേശുദാസനെ ആശുപത്രിയിലെത്തിച്ചപ്പോഴേക്കും മരിച്ചെന്നാണ് അറിഞ്ഞതെന്ന് ലീന പറയുന്നു. 

കാനഡയില്‍ നഴ്‌സായ ലീന മരണവിവരമറിഞ്ഞ് നാട്ടിലെത്തുകയായിരുന്നു. 24 ന് പുലിയൂര്‍ സെയ്ന്റ് മേരീസ് ആന്‍ഡ് സെയ്ന്റ് ജോര്‍ജ് ഓര്‍ത്തഡോക്‌സ് പള്ളിയില്‍ സംസ്‌കാരം നടത്തി. യേശുദാസന്റെ ബാങ്ക് പാസ് ബുക്ക് ,എ.ടി.എം കാര്‍ഡ് , മറ്റു രേഖകള്‍ എന്നിവ കാണാതായ സാഹചര്യത്തിലാണ് മരണത്തില്‍ സംശയമുണ്ടെന്ന് കാട്ടി പരാതി നല്‍കിയതെന്ന് ലീന പറയുന്നു.

Authorities will exhume the body of an elderly man following allegations of suspicious circumstances surrounding his death. A postmortem examination is scheduled to determine the exact cause, as police begin a detailed investigation into the complaint.