കുവൈത്ത് സിറ്റി: ഇരട്ട പൗരത്വം കൈവശം വെച്ച 36 വ്യക്തികളുടെ പൗരത്വം റദ്ദാക്കി കുവൈത്ത്. പൗരത്വ അന്വേഷണത്തിനുള്ള സുപ്രീം കമ്മിറ്റിയുടെ തീരുമാനപ്രകാരമാണ് നടപടി. ഇത് സംബന്ധിച്ച ഉത്തരവ് ഔദ്യോഗിക ഗസറ്റായ കുവൈത്ത് അലിയൂമിൽ പ്രസിദ്ധീകരിച്ചു.

1959-ലെ അമീരി ഡിക്രി നമ്പർ 15-ലെ ആർട്ടിക്കിൾ 11 അടിസ്ഥാനമാക്കിയാണ് നീക്കം. ഔദ്യോഗിക അനുമതിയില്ലാതെ ഒരു കുവൈത്ത് പൗരൻ സ്വമേധയാ മറ്റൊരു രാജ്യത്തെ പൗരത്വം സ്വീകരിച്ചാൽ, ആ വ്യക്തിയുടെ കുവൈത്ത് പൗരത്വം സ്വയമേവ നഷ്ടപ്പെടുമെന്ന് നിയമം വ്യക്തമാക്കുന്നു. പൗരത്വം നഷ്ടപ്പെട്ടവരുടെ പേരുവിവരങ്ങൾ അധികൃതർ പുറത്തുവിട്ടിട്ടില്ല.

ALSO READ: തൊഴിലാളി ചൂഷണ ആരോപണം; അന്വേഷണം ആരംഭിച്ചു

രാജ്യത്തെ പൗരത്വ നിയമങ്ങൾ നടപ്പിലാക്കുന്നതിന്റെ ഭാഗമായി സമീപകാലത്ത് പരിശോധനകൾ ശക്തമാക്കിയിട്ടുണ്ട്. വിദേശ പാസ്‌പോർട്ടുകൾ കൈവശം വെക്കുന്നതും ഇരട്ട പൗരത്വം പുലർത്തുന്നതും കണ്ടെത്താൻ ഉദ്യോഗസ്ഥർ തുടർച്ചയായ നിരീക്ഷണത്തിലാണ്.

കുവൈത്ത് നിയമപ്രകാരം ഇരട്ട പൗരത്വം അനുവദനീയമല്ല. പൗരത്വ ചട്ടങ്ങൾ ലംഘിക്കുന്നവർക്കെതിരെ വിട്ടുവീഴ്ചയില്ലാത്ത നടപടികളാണ് സർക്കാർ സ്വീകരിച്ചു വരുന്നത്.

kuwait government has revoked the citizenship of 36 individuals over violations related to dual nationality authorities emphasized strict enforcement of citizenship laws highlighting ongoing efforts to regulate legal status and maintain national integrity through decisive administrative action