തെഹ്‌റാന്‍: ഇസ്‌റാഈലിന് വേണ്ടി ചാരവൃത്തി നടത്തിയ ഒരാള്‍ക്ക് കൂടി വധശിക്ഷ വിധിച്ച് ഇറാന്‍.  പ്രതിപക്ഷ ഗ്രൂപ്പുമായും ഇസ്‌റാഈലി ഇന്റലിജന്‍സ് സര്‍വിസ് മൊസാദുമായും ബന്ധമുണ്ടെന്ന് കണ്ടെത്തിയതിനെ തുടര്‍ന്ന് നേരത്തെ ശിക്ഷിക്കപ്പെട്ട ഒരാളെ വധശിക്ഷക്ക് വിധേയനാക്കിയതായി ഇറാനിയന്‍ ജുഡീഷ്യറിയുടെ ഔദ്യോഗിക മാധ്യമം റിപ്പോര്‍ട്ട് ചെയ്തു.

പ്രതിപക്ഷമായ മുജാഹിദീന്‍-ഇ-ഖല്‍ഖ്  ദീര്‍ഘകാല അംഗമായിരുന്നു സുല്‍ത്താന്‍ അലി ഷിര്‍സാദി ഫഖറിനെയാണ് വധശിക്ഷക്ക് വിധിച്ചിരിക്കുന്നത്.

വര്‍ഷങ്ങളായി വിവിധ മേഖലകളിലുള്ള ഗ്രൂപ്പുകളുമായി ഇയാള്‍ക്ക് ബന്ധമുണ്ടായിരുന്നുവെന്ന്മിസാന്‍ റിപ്പോര്‍ട്ട് ചെയ്തു.
ഇറാനെതിരെയുള്ള തീവ്രവാദ പ്രവര്‍ത്തനങ്ങളില്‍ പങ്കാളിയായിരുന്നുവെന്ന് ഫഖര്‍ സമ്മതിച്ചതായും റിപ്പോര്‍ട്ട് വ്യക്തമാക്കുന്നു.   ALSO READ: ബോട്ടുകളില്‍ ഇരച്ചെത്തി, കപ്പലിന്റെ നിയന്ത്രണം ഏറ്റെടുത്ത് ഇറാന്‍ സൈന്യം... ഹോര്‍മുസില്‍ കപ്പലുകള്‍ പിടിച്ചെടുക്കുന്നതിന്റെ ദൃശ്യങ്ങള്‍ പുറത്തുവിട്ട് ഐ.ആര്‍.ജി.സി 

നേരത്തേയും ചാരന്‍മാരെ ഇറാന്‍ തൂക്കിലേറ്റിയിരുന്നു. മൊസാദുമായി ചേര്‍ന്ന് പ്രവര്‍ത്തിച്ചതിന് തടവിലായിരുന്ന മുഹമ്മദ് അമിന്‍ ഷായിസ്ത എന്നയാളെ ഇറാന്‍ വധശിക്ഷക്ക് വിധേയനാക്കിയിരുന്നു. 2025 ജൂണിലായിരുന്നു ശിക്ഷ നടപ്പാക്കിയത്. മൊസാദുമായി ബന്ധപ്പെട്ട സൈബര്‍ ടീമിന്റെ തലവനായാണ് ഷായിസ്ത അറിയപ്പെട്ടിരുന്നത്. 2023 അവസാനത്തോടെയാണ് ഇയാള്‍ അറസ്റ്റിലായത്.  ഇറാന്റെ തന്ത്രപ്രധാന സൈബര്‍ രഹസ്യങ്ങള്‍ ഇസ്‌റാഈലിന് ചോര്‍ത്തി നല്‍കിയെന്നാരോപിച്ചാണ് ശിക്ഷ വിധിച്ചത്.

ALSO READ: വെടിനിര്‍ത്തല്‍ ലംഘിച്ച് വീണ്ടും ഇസ്‌റാഈല്‍; ലബനാനില്‍ മാധ്യമപ്രവര്‍ത്തക ഉള്‍പെടെ അഞ്ചുപേരെ കൊലപ്പെടുത്തി; രക്ഷാപ്രവര്‍ത്തനത്തിന് അനുവദിക്കാതെ ആക്രമണം തുടര്‍ന്നു

അതിന് തൊട്ടു മുന്‍പിലെ ദിവസം മജീദ് മുസയ്യിബി എന്നയാളെയും ഇറാന്‍ തൂക്കിലേറ്റിയിരുന്നു. ഇറാനിലെ ആണവ നിലയങ്ങള്‍ക്ക് നേരെ യു.എസ് നടത്തിയ ആക്രമണത്തിന് പിന്നാലെയായിരുന്നു ശിക്ഷാവിധി നടപ്പാക്കിയത്. 

ചാരവൃത്തി നടത്തുന്ന നിരവധി പേരെയാണ് ജൂണ്‍ 13ന് ഇസ്‌റാഈല്‍ ആക്രമണം ആരംഭിച്ച ശേഷം ഇറാന്‍ സുരക്ഷാ സേന പിടികൂടിയത്. കാലതാമസമെടുത്തുള്ള നടപടിക്രമങ്ങള്‍ ഒഴിവാക്കി ചാരവൃത്തി സംബന്ധിച്ച കേസുകളില്‍ അതിവേഗം വിധി പ്രസ്താവിക്കണമെന്ന് ഇറാന്‍ ജുഡീഷ്യറി മേധാവി ഗുലാം ഹുസൈന്‍ മുഹ്സനി കോടതികള്‍ക്ക് നിര്‍ദേശം നല്‍കിയിരുന്നു.

iran carries out execution of a man accused of spying for israel and having ties with opposition groups, as authorities intensify crackdown on espionage cases