തൃശൂര്‍: മുണ്ടത്തിക്കോട് വെടിക്കെട്ട് അപകടത്തില്‍ കാണാതായ കോട്ടപ്പുറം സ്വദേശി ഗിരീഷിന്റെ അമ്മ അന്തരിച്ചു. പള്ളത്ത് കരുമാലി വീട്ടില്‍ ഗൗരി(74) ആണ് മരിച്ചത്. പക്ഷാഘാതത്തെ തുടര്‍ന്ന് ചികിത്സയിലായിരുന്ന ഗൗരി വെടിക്കെട്ട് അപകടം നടന്നതിന്റെ തലേ ദിവസമാണ് ആശുപത്രിയില്‍ നിന്ന് ഡിസ്ചാര്‍ജ് വാങ്ങി വീട്ടിലെത്തിയത്. ഗിരിയെ കാണാതായതിനെ തുടര്‍ന്ന് മാനസിക വിഷമത്തില്‍ ആയിരുന്നു ഗൗരിയെന്ന് ബന്ധുക്കള്‍ പറയുന്നു. സംസ്‌കാരം ഇന്ന് വൈകിട്ട് 3 മണിക്ക് പാറമേക്കാവ് ശാന്തിഘട്ടില്‍ നടക്കും.

കഴിഞ്ഞ ദിവസം നടന്ന മുണ്ടത്തിക്കോട് വെടിക്കെട്ട് അപകടത്തിലാണ് ഗിരീഷിനെ കാണാതായത്. തിരുവമ്പാടി പൂരം സെലിബ്രേഷന്‍ കമ്മിറ്റി അംഗമായ ഗിരി കോട്ടപ്പുറം ശിവക്ഷേത്ര ഉപദേശകസമിതി പ്രസിഡന്റാണ്. 

അതേസമയം, മുണ്ടത്തിക്കോട് സ്‌ഫോടനത്തില്‍ മൃതദേഹ ഭാഗങ്ങള്‍ തിരിച്ചറിയാന്‍ ഡി.എന്‍.എ പരിശോധനകള്‍ ഇന്ന് മുതല്‍ നടക്കും. നാല് പേരെക്കുറിച്ച് ഇനിയും ഒരു വിവരവും ലഭിച്ചിട്ടില്ല. ചികിത്സയിലുള്ള നാല് പേരുടെ നില ഗുരുതരമായി തുടരുകയാണ്. അപകട സ്ഥലത്ത് ഇന്നും കെഡാവര്‍ നായ്ക്കളെ എത്തിച്ച് പരിശോധന തുടരും.

In a heartbreaking turn of events, the mother of Girish, who has been missing since the massive explosion at Mundathicode in Thrissur, has passed away.