കണ്ണൂര്‍: കണ്ണൂരില്‍ സൂര്യാതപമേറ്റ് യുവാവ് മരിച്ചു. പള്ളിപ്പൊയില്‍ സ്വദേശി സനല്‍ കുമാര്‍ എം.വി (37)യാണ് മരിച്ചത്.  ഇന്നലെ ഉച്ചയ്ക്ക് 1.30ന് കിണര്‍ നിര്‍മാണത്തിനിടെ സൂര്യകുമാര്‍ (37) കിണറ്റില്‍ കുഴഞ്ഞ് വീഴുകയായിരുന്നു. ഉടനെ നാട്ടുകാര്‍ ചേര്‍ന്ന് ആശുപത്രിയിലെത്തിക്കുകയായിരുന്നു. ഇന്ന് പുലര്‍ച്ചെ 2.30ന് മരണം സംഭവിച്ചു. തുടര്‍ന്ന് ജില്ലാ ആശുപത്രിയിലേക്ക് പോസ്റ്റ് മോര്‍ട്ടത്തിനായി മാറ്റി.

അതേസമയം, മലപ്പുറത്ത് നാല് വയസുകാരിക്ക് സൂര്യാതപമേറ്റു. വണ്ടൂരില്‍ ഇസാ ജോണിനാണ് പൊള്ളലേറ്റത്. മുറ്റത്ത് കളിക്കുമ്പോഴാണ് കുട്ടിക്ക് സൂര്യാതപമേറ്റത്. വയറിനും കൈകള്‍ക്കും പൊള്ളലേറ്റ കുട്ടി വണ്ടൂര്‍ താലൂക്ക് ആശുപത്രിയില്‍ ചികിത്സ തേടി. 

സംസ്ഥാനത്ത് ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്. പാലക്കാട്, കൊല്ലം, തൃശ്ശൂര്‍ ജില്ലകളിലാണ് നിലവില്‍ ഉഷ്ണതരംഗ മുന്നറിയിപ്പ് ഔദ്യോഗികമായി പ്രഖ്യാപിച്ചിട്ടുള്ളത്. 

A 37-year-old man, identified as Sanal Kumar M.V., a native of Palappoyil, passed away in Kannur due to suspected sunstroke. The incident occurred while he was engaged in well-related construction work.