ചാവക്കാട്: നഗരസഭയും ബീച്ച് പൗരാവലിയും ബ്‌ളാങ്ങാട് ബീച്ചില്‍ ബക്രീദ് ഓണം ഫെസ്റ്റിവല്‍ സംഘടിപ്പിച്ചു.
വെള്ളിയാഴ്ച്ച രാവിലെ 8 മുതല്‍ ആരംഭിച്ച പരിപാടിയില്‍ പൂക്കള മത്സരം, തീറ്റ മത്സരം, കുട്ടികളുടെ പട്ടം പറത്തല്‍ മത്സരം, ചാക്ക് ചാട്ടം, ഉറിയടി, സ്ത്രീകളുടെ കമ്പവലി തുടങ്ങിയ നടന്നു. വൈകിട്ട് നടന്ന സാംസ്‌കാരിക സമ്മേളനം സൈറ സലീം ഉദ്ഘാടനം ചെയ്തു. നഗരസഭാ ചെയര്‍മാന്‍ എന്‍.കെ അക്ബര്‍ അധ്യക്ഷത വഹിച്ചു. സനി ആര്‍ട്ടിസ്റ്റ് വി.കെ ശ്രീരാമന്‍ മുഖ്യാതിഥിയായിരുന്നു. കവി രാധാകൃഷ്ണന്‍ കാക്കശേരി, എഴുത്തുകാരായ കെ.എ മോഹന്‍ദാസ്, വി.ബി ജ്യോതിരാജ്, നഗരസഭാ വൈസ് ചെയര്‍പേഴ്‌സണ്‍ മഞ്ജുഷ സുരേഷ്, സ്ഥിരം സമിതി അധ്യക്ഷന്‍മാരായ എം.ബി രാജ ലക്ഷ്മി, എ.എ മഹേന്ദ്രന്‍, പ്രതിപക്ഷ നേതാവ് കെ.കെ കാര്‍ത്യായനി എന്നിവര്‍ സംസാരിച്ചു. കൗണ്‍സിലര്‍മാരായ പി.പി നാരായണന്‍, പി.ഐ. വിശ്വംഭരന്‍, മഞ്ജു കൃഷ്ണന്‍, മഞ്ജുള ജയന്‍, സുരേഷ് ബാബു, ആര്‍ട്ടിസ്റ്റ് ഉണ്ണി, ടി.ബി ശാലിനി എന്നിവര്‍ പരിപാടികള്‍ക്ക് നേതൃത്വം നല്‍കി. വിദ്യാഭ്യാസ സ്ഥിരം സമിതി അധ്യക്ഷന്‍ എ.സി ആനന്ദന്‍ സ്വാഗതവും എന്‍.വി സോമന്‍ നന്ദിയും പറഞ്ഞു.