നെയ്യാറ്റിന്‍കര: ധനുവച്ചപുരം വി.ടി.എം എന്‍.എസ്.എസ് കോളജിലെ പൂര്‍വ വിദ്യാര്‍ഥി സംഘടനയായ ധനുസ്സ്- 93 ന്റെ വാര്‍ഷികവും കുടുംബസംഗമവും സെപ്തംബര്‍ 18 ഞായറാഴ്ച നെയ്യാറ്റിന്‍കര വ്‌ളാങ്ങാമുറി സി.എസ്.ഐ ചര്‍ച്ച് പാരിഷ് ഹാളില്‍ നടക്കും.
രാവിലെ പത്തിന് ആരംഭിക്കുന്ന ആഘോഷപരിപാടികളില്‍ പ്രമുഖ ചെറുകഥാകൃത്ത് ഡോ. എസ്.വി വേണുഗോപന്‍നായര്‍, അഡ്വ. മോഹന്‍ദാസ്, ഷിബുകുമാര്‍, നെയ്യാറ്റിന്‍കര നഗരസഭ ചെയര്‍പേഴ്‌സണ്‍ ഡബ്ല്യു.ആര്‍ ഹീബ തുടങ്ങിയവര്‍ വിശിഷ്ടാതിഥികളായിരിക്കും. ബഹുമുഖ പ്രതിഭകള്‍ക്ക് ആദരം, പരീക്ഷാ ജേതാക്കള്‍ക്ക് അനുമോദനം, അംഗങ്ങളുടെയും കുട്ടികളുടെയും കലാപരിപാടികള്‍ എന്നിവയും സംഘടിപ്പിച്ചിട്ടുള്ളതായി ധനുസ്സ് ഭാരവാഹികളായ പൂതംകോട് ഹരികുമാര്‍, അയിര സുനില്‍കുമാര്‍ എന്നിവര്‍ അറിയിച്ചു. വിശദവിവരങ്ങള്‍ക്ക്: 99613 47225.