മീനങ്ങാടി(വയനാട്): മീനങ്ങാടി മലക്കാട് കാറിടിച്ച് ആറു വയസുകാരന്‍ മരിച്ചു. മുത്തങ്ങ സ്വദേശി കാളക്കണ്ടിയില്‍ ശ്രീജയന്റെ മകന്‍ അനുരാഗ് ആണ് മരിച്ചത്. ഇന്നലെ വൈകിട്ടായിരുന്നു സംഭവം.
അമ്മ ഭവിതയുടെ മലക്കാടുള്ള സഹോദരിയുടെ വീട്ടിലേക്ക് വിരുന്നിന് വന്നതായിരുന്നു. കുടുംബത്തോടൊപ്പം മീനങ്ങാടിയില്‍ നിന്ന് ഓട്ടോറിക്ഷയില്‍ മലക്കാട് വന്നിറങ്ങിയ അനുരാഗ് ഓട്ടോറിക്ഷയുടെ പുറകിലൂടെ മറുവശത്തുള്ള ബന്ധുവീട്ടിലേക്ക് റോഡ് മുറിച്ചു കടക്കുന്നതിനിടെ വാഴവറ്റ ഭാഗത്തുനിന്ന് വന്ന ക്വാളിസ് ഇടിച്ച് തെറിപ്പിക്കുകയായിരുന്നു.
ഗുരുതരമായി പരുക്കേറ്റ അനുരാഗിനെ മീനങ്ങാടിയിലെ സ്വകാര്യ ആശുപത്രിയിലും പിന്നീട് കല്‍പ്പറ്റയിലെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല. സഹോദരന്‍: ശ്രീരാഗ്.