ശ്രീകൃഷ്ണപുരം: ജോലി വാഗ്ദാനം ചെയ്ത് പീഡിപ്പിച്ചെന്ന പരാതിയില്‍ ഡി.വൈ.എഫ്.ഐ നേതാവിനെതിരേ ശ്രീകൃഷ്ണപുരം പൊലിസ് കേസെടുത്തതിന് പിന്നാലെ പാര്‍ട്ടിയില്‍ നിന്ന് സസ്‌പെന്‍ഡ് ചെയ്ത് സി.പി.എം. ശ്രീകൃഷ്ണപുരം പഞ്ചായത്ത് 13ാം വാര്‍ഡ് മെംബറും ഡി.വൈ.എഫ്.ഐ നേതാവുമായ സി. സുജിത്തിനെയാണ് അന്വേഷണവിധേയമായി പാര്‍ട്ടിയില്‍ നിന്ന് സസ്‌പെന്‍ഡ് ചെയ്തത്. 

ശ്രീകൃഷ്ണപുരം സ്വദേശിയായ യുവതിയുടെ പരാതിയിലാണ് നടപടി. ജോലി വാഗ്ദാനം ചെയ്ത് പലപ്പോഴായി പീഡിപ്പിക്കുകയായിരുന്നു എന്നാണ് യുവതി പരാതിയില്‍ ആരോപിക്കുന്നത്. ഇയാള്‍ നിലവില്‍ ഒളിവിലാണ്. പ്രതിക്കായി ശ്രീകൃഷ്ണപുരം പൊലിസ് അന്വേഷണം ഊര്‍ജിതമാക്കി.

അതിനിടെ പീഡനക്കേസില്‍ ഉള്‍പ്പെട്ട സി.പി.എം മെംബര്‍ രാജിവക്കണവെനാവശ്യപ്പെട്ട് കോണ്‍ഗ്രസിന്റെയും ബി.ജെ.പിയുടെ നേതൃത്വത്തില്‍ പഞ്ചായത്തിലേക്ക് മാര്‍ച്ച് നടത്തി.

A local leader of Communist Party of India (Marxist) has been suspended by the party following allegations that he sexually exploited a woman after promising to help her secure a job. The accused is reportedly absconding, and police have intensified efforts to locate and arrest him.