കാവനൂര്‍: വടശ്ശേരി വി.കെ പടി  പാലത്തിനു സമീപം മാലിന്യം തള്ളുന്നത് വര്‍ധിക്കുന്നു. റോഡരികില്‍ പാലത്തിനു സമീപം പ്ലാസ്റ്റിക്ക്  കവറുകളിലും  ചാക്കുകളിലുമായാണ് മാലിന്യങ്ങള്‍ തള്ളിയിരിക്കുന്നത്.
 വീടുകളിലെയും കച്ചവട സ്ഥാപനങ്ങളിലെയും അവശിഷ്ടങ്ങള്‍, പ്ലാസ്റ്റിക് മാലിന്യങ്ങള്‍, ഭക്ഷണാവശിഷ്ടങ്ങള്‍ തുടങ്ങിയവയാണ് പ്രധാനമായും  റോഡരികില്‍ തള്ളിയിരിക്കുന്നത്.
പുറമെ നിന്നാണ് മാലിന്യങ്ങള്‍ കൊണ്ടുവന്ന് തള്ളുന്നെതെന്ന് നാട്ടുകാര്‍ പറയുന്നു.
വിജനമായ സ്ഥലമായതും തെരുവുവിളക്കില്ലാത്തതും മാലിന്യം തള്ളാന്‍  കാരണമാകുന്നു.