തിരുവനന്തപുരം: 2026 ഫുട്‌ബോള്‍ ലോകകപ്പ് ഫൈനലിന്റെ പശ്ചാത്തലത്തില്‍ സംസ്ഥാനത്തെ സ്‌കൂളുകള്‍ക്ക് അവധി പ്രഖ്യാപിക്കുമോയെന്ന കാര്യത്തില്‍ ഇതുവരെ തീരുമാനമായിട്ടില്ലെന്ന് പൊതുവിദ്യാഭ്യാസ മന്ത്രി എന്‍. ഷംസുദ്ദീന്‍ അറിയിച്ചു.

സ്‌കൂളുകള്‍ക്ക് അവധി പ്രഖ്യാപിച്ചാല്‍ അധ്യയന ദിവസങ്ങള്‍ കുറയുമെന്നും അതിന് പകരം ദിവസം കണ്ടെത്തേണ്ടി വരുമെന്നും മന്ത്രി മാധ്യമങ്ങളോട് പറഞ്ഞു. നിരവധി കുട്ടികള്‍ അവധി ആവശ്യപ്പെട്ട് വിളിക്കുന്നുണ്ടെങ്കിലും ഇക്കാര്യത്തില്‍ അന്തിമ തീരുമാനം എടുത്തിട്ടില്ലെന്നും അദ്ദേഹം വ്യക്തമാക്കി.

ALSO READ: മലപ്പുറത്ത് അഞ്ചുമാസം പ്രായമുള്ള കുഞ്ഞിനെ തെരുവുനായ കടിച്ചു

ഫൈനലില്‍ ബ്രസീല്‍ ഇല്ലാത്തതുകൊണ്ടാണോ അവധി നല്‍കാത്തതെന്ന ചോദ്യത്തിന്, താന്‍ പരമ്പരാഗതമായി ബ്രസീലിനെ പിന്തുണയ്ക്കുന്നയാളാണെങ്കിലും കഴിഞ്ഞ സീസണുകളില്‍ ടീമിന്റെ പ്രകടനം മോശമായിരുന്നുവെന്ന് മന്ത്രി പ്രതികരിച്ചു.

ജൂലൈ 20 പുലര്‍ച്ചെ 12.30ന് അര്‍ജന്റീനയും സ്‌പെയിനും തമ്മിലാണ് ലോകകപ്പ് ഫൈനല്‍. മത്സരം പുലര്‍ച്ചെ മൂന്ന് മണിവരെ നീളാന്‍ സാധ്യതയുള്ളതിനാല്‍ വിദ്യാര്‍ഥികള്‍ക്ക് രാവിലെ ക്ലാസില്‍ പങ്കെടുക്കാന്‍ ബുദ്ധിമുട്ടുണ്ടാകുമെന്ന ആശങ്ക ഉയര്‍ന്നിരുന്നു. ഇതേ കാരണം ചൂണ്ടിക്കാട്ടി സംസ്ഥാനത്തെ ചില സ്വകാര്യ സ്‌കൂളുകള്‍ തിങ്കളാഴ്ച അവധി പ്രഖ്യാപിച്ചിട്ടുണ്ട്. പാലാ നഗരസഭാ ചെയര്‍പേഴ്‌സണ്‍ ദിയ ബിനുവും സ്‌കൂളുകള്‍ക്കും കോളജുകള്‍ക്കും അവധി നല്‍കണമെന്ന ആവശ്യം ഉന്നയിച്ചിരുന്നു.

General Education Minister N. Shamsuddeen has said that no decision has been taken yet on whether to declare a holiday for schools in the state in connection with the 2026 Football World Cup final.