തൃശൂര്‍: തൃശൂര്‍ ശ്രീ കേരളവര്‍മ കോളജില്‍ 1960 മുതല്‍ 80വരെ പഠിച്ചവര്‍ വര്‍ഷങ്ങള്‍ക്കുശേഷം കണ്ടുമുട്ടിയത് അപൂര്‍വ നിമിഷങ്ങളായി.
 ശനിയാഴ്ച തൃശൂര്‍ എലൈറ്റ് ഹോട്ടലിലായിരുന്നു അവര്‍ ഒത്തുകൂടിയത്. കൃഷി മന്ത്രി വി.എസ്. സുനില്‍കുമാര്‍, പ്രൊഫ. കെ.യു അരുണന്‍ മാസ്റ്റര്‍, മുന്‍ മന്ത്രി കെ.പി വിശ്വനാഥന്‍ എന്നീ ഒട്ടനവധി സുഹൃത്തുക്കള്‍ നാല്‍പതും അമ്പതും വര്‍ഷങ്ങള്‍ക്കപ്പുറത്തെ കലാലയ ഓര്‍മകള്‍ പങ്കുവച്ചു.
ഔഷധ നിര്‍മാണം,വ്യാപാരം, രാഷ്ട്രീയം തുടങ്ങി വിവിധ മേഖലയില്‍ എത്തിപ്പെട്ടവര്‍ തങ്ങളുടെ അനുഭവങ്ങള്‍ പങ്കുവച്ചു. തുടര്‍ന്ന് ഓണസദ്യയും ഗാനമേളയും നടന്നു. 60നും 75നും മധ്യേ പ്രായമുള്ള പലരും ഇനിയും കാണാമെന്ന ശുഭപ്രതീക്ഷയോടെയാണ് പിരിഞ്ഞത്.