വിതരണം ചെയ്തുകാക്കനാട്: മഹാത്മ അയ്യങ്കാളി അംബേദ്കര്‍ റിസേര്‍ച്ച് ആന്റ് ചാരിറ്റബിള്‍ ട്രസ്റ്റ് (മാര്‍ക്ക്) സംസ്ഥാന കമ്മിറ്റി ഏര്‍പ്പെടുത്തിയ വിവിധ പുരസ്‌കാരങ്ങള്‍ വിതരണം ചെയ്തു. അയ്യങ്കാളിയുടെ 153 ാം ജന്മവാര്‍ഷികത്തോടനുബന്ധിച്ചാണ് പരിപാടി നടത്തിയത്. കാക്കനാട് ഗവണ്‍മെന്റ് യൂത്ത് ഹോസ്റ്റലില്‍ നടന്ന ചടങ്ങ് ജില്ല പഞ്ചായത്ത് വൈസ് പ്രസിഡന്റ് അഡ്വ.ബി.എ അബ്ദുള്‍ മുത്തലീബ് ഉദ്ഘാടനം ചെയ്തു. മാര്‍ക്ക് ട്രസ്റ്റ് പ്രസിഡന്റ് വി. ബാബു അധ്യക്ഷത വഹിച്ചു.
വിവിധ മേഖലകളില്‍ കഴിവ് തെളിയിച്ചവര്‍ക്കുള്ള പുരസ്‌കാരം അഡ്വ.ബി.എ അബ്ദുള്‍ മുത്തലീബ് കൈമാറി. ആര്‍ട്ടിസ്റ്റ് പി.എസ് ജയ, കവി ധനു എളങ്കുന്നപ്പുഴ, എം.ജി സുബിന്‍, ഫോട്ടോഗ്രാഫര്‍ സുനീഷ് കോട്ടപ്പുറം എന്നിവര്‍ക്കാണ് മാര്‍ക്ക് ശ്രേഷ്ഠ പുരസ്‌കാരം ലഭിച്ചത്. ചടങ്ങില്‍ മികച്ച വിദ്യാര്‍ഥിയ്ക്കുളള കെ.പി വള്ളോന്‍ സ്മാരക സ്വര്‍ണ മെഡല്‍ ആര്യബാബുവിന് മുന്‍ പി.എസ്.സി അംഗം പ്രൊഫ. വിജയലക്ഷ്മി നല്‍കി. എസ്.എസ്.എല്‍.സി, പ്ലസ്ടു പരീക്ഷകളില്‍ മികച്ച വിജയം കാഴ്ച വെച്ച വിദ്യാര്‍ഥികള്‍ക്കും പുരസ്‌കാരം വിതരണം ചെയ്തു. ജനറല്‍ സെക്രട്ടറി കെ.എ സിബി, വൈസ് പ്രസിഡന്റ് വി.എ സുരേഷ്, കെ.ഡി വിശ്വനാഥന്‍, ബി.കെ കേശവന്‍, പി.കെ കുഞ്ഞ് എന്നിവര്‍ സംസാരിച്ചു.