കണിയാപുരം: മംഗലപുരം കുറക്കോട് ജുമുആ മസ്ജ്ദിലെ എം.എം.മൗലവി അല്‍ ഖാദിരിയ്യ് വലിയുല്ലാഹിയുടെ മഖ്ബറ തകര്‍ക്കാന്‍ ശ്രമം.
പ്രദേശത്തെ പുത്തനാശയക്കാരും സാമൂഹിക വിരുദ്ധരും ചേര്‍ന്നാണ് മഖബ്‌റ തകര്‍ക്കാന്‍ ശ്രമിക്കുന്നതെന്ന് മഹല്ല് വാസികള്‍ പറഞ്ഞു. ഒരാഴ്ചക്കു മുന്‍പ്  മഖ്ബറയുടെ ചുറ്റുമുണ്ടായിരുന്ന കല്ലുകള്‍ പൊളിച്ചു മാറ്റിയ നിലയില്‍ കണ്ടെത്തിയിരുന്നു. പിന്നീട് നാട്ടുകാര്‍ സംഘടിച്ച് അവ വീണ്ടും സ്ഥാപിച്ചു.
നിരവധി കറാമത്തുകള്‍ക്ക് ഉടമയായ എം.എ. മൗലവിയുടെ മഖ്ബറയില്‍ നിരവധിയാളുകള്‍ സന്ദര്‍ശകരായി എത്താറുണ്ട്. സമുദായത്തിനുള്ളില്‍ ഭിന്നിപ്പുണ്ടാക്കുംവിധമുള്ള പുത്തനാശയക്കാരുടെ പ്രവര്‍ത്തനങ്ങള്‍ അത്യന്തം പ്രതിഷേധാര്‍ഹമാണെന്ന് എസ്.കെ.എസ്.എസ്.എഫ് മുന്‍ സംസ്ഥാന ഓര്‍ഗനൈസിങ് സെക്രട്ടറി ഷാനവാസ് മാസ്റ്റര്‍
കണിയാപുരം പറഞ്ഞു.