കൊച്ചി: നാളികേര വികസന ബോര്‍ഡ് ഹിന്ദി പക്ഷാചരണത്തോടനുബന്ധിച്ച് എറണാകുളം ജില്ലയിലെ വിദ്യാലയങ്ങളിലെ ഹിന്ദി അധ്യാപകര്‍ക്കും വിദ്യാര്‍ഥികള്‍ക്കുമായി കല്‍പവൃക്ഷ് - നാരിയല്‍ എന്ന വിഷയത്തെ ആസ്പദമാക്കി ഹിന്ദി കവിത രചനാമത്സരം സംഘടിപ്പിച്ചിരുന്നു.
വിദ്യാര്‍ഥികള്‍ക്കായുള്ള മത്സരത്തില്‍ ജൂനിയര്‍ വിഭാഗത്തില്‍ ശ്രദ്ധ എസ്. പ്രഭു,(സെന്റ് മേരീസ് എ.ഐ.ജി.എച്ച്.എസ്, ഫോര്‍ട്ട്‌കൊച്ചി )ഒന്നാം സ്ഥാനം കരസ്ഥമാക്കി. ടി.ആര്‍ യദുകൃഷ്ണ ( മഹാത്മാഗാന്ധി പബ്ലിക് സ്‌കൂള്‍, അമ്പാടിമല, ചോറ്റാനിക്കര),  എ.ആര്‍ സാനിയ, നവനിര്‍മാണ്‍ പബ്ലിക് സ്‌കൂള്‍, വാഴക്കാല എറണാകുളം എന്നിവര്‍ക്കാണ് യഥാക്രമം രണ്ടു മൂന്നും സ്ഥാനങ്ങള്‍.
സീനിയര്‍ വിഭാഗത്തില്‍ ഒന്നും, രണ്ടും, മൂന്നും സ്ഥാനങ്ങള്‍ക്ക് യഥാക്രമം അര്‍ച്ചന ബി ( ഫാത്തിമ സെന്‍ട്രല്‍ സ്‌കൂള്‍, പിറവം), പി വിഷ്ണുപ്രസാദ് മല്ല്യ,(ടി.ഡി ഹൈസ്‌കൂള്‍, മട്ടാഞ്ചേരി), എം.ജെ ജ്യോതിക, (ഫാത്തിമ സെന്‍ട്രല്‍ സ്‌കൂള്‍, പിറവം) എന്നിവര്‍ അര്‍ഹരായി. അധ്യാപകരുടെ വിഭാഗത്തില്‍ സി അനിത (കേന്ദ്രീയ വിദ്യാലയ, എറണാകുളം) ഒന്നാം സ്ഥാനത്തിനും പ്രീത കമ്മത്ത് (ഗവണ്‍മെന്റ് ഗേള്‍സ് ഹൈസ്‌കൂള്‍, എറണാകുളം) വി  സ്വപ്ന( ഗവണ്‍മെന്റ് ഹൈസ്‌കൂള്‍, ബിനാനിപുരം, ആലുവ )എന്നിവര്‍ യഥാക്രമം രണ്ടും മൂന്നും സ്ഥാനങ്ങള്‍ക്കും അര്‍ഹരായി.