കൊണ്ടോട്ടി: വിവിധ സര്‍വകലാശാലകളില്‍ നിന്ന് പി.എച്ച്.ഡി ബിരുദം നേടിയ പുളിക്കല്‍ പഞ്ചായത്തിലെ ഡോ. കെ.പി മുഹമ്മദ് ശരീഫ് വലിയപറമ്പ്, ഡോ. അബൂബക്കര്‍ ദാരിമി ഒളവട്ടൂര്‍, ഡോ. ഹസ്സന്‍ അലി വാഫി ഒളവട്ടൂര്‍ എന്നിവര്‍ക്ക് ജിദ്ദ പുളിക്കല്‍ പഞ്ചായത്ത് കെ.എം.സി.സി സ്വീകരണം നല്‍കി.
വലിയപറമ്പ് ആലക്കപറമ്പില്‍ നടന്ന ചടങ്ങില്‍ വഖഫ് ബോര്‍ഡ് ചെയര്‍മാന്‍ പാണക്കാട് റഷീദലി ശിഹാബ് തങ്ങള്‍ ഉപഹാരങ്ങള്‍ നല്‍കി. ടി.വി ഇബ്രാഹീം എം.എല്‍.എ ഉദ്ഘാടനം ചെയ്തു. ആനക്കച്ചേരി മൂസഹാജി അധ്യക്ഷനായി. ഉസ്മാന്‍ താമരത്ത് മുഖ്യ പ്രഭാഷണം നടത്തി.
രായിന്‍കുട്ടി നീറാട് അവാര്‍ഡ് ജേതാക്കളെ പരിചയപ്പെടുത്തി. പി. എ ജബ്ബാര്‍ ഹാജി, പി.മോയുട്ടി മൗലവി, ചീരങ്ങല്‍ മുഹമ്മദ് മാസ്റ്റര്‍, നൗഷാദ് വാഴയൂര്‍, സി.അലവിക്കുട്ടി, ആലിക്കുട്ടി ഒളവട്ടൂര്‍, കെ.എം ഇസ്മാഈല്‍, മുഹമ്മദ് കുട്ടി മാസ്റ്റര്‍, ശരീഫ് മൂലയില്‍, കെ.പി ശാഫി സംസാരിച്ചു.