വെട്ടത്തൂര്‍: കഴിഞ്ഞദിവസം നിര്യാതനായ മക്ക എസ്.വൈ.എസ് പ്രസിഡന്റും കെ.എം.സി.സി വൈസ് പ്രസിഡന്റുമായിരുന്ന കാപ്പ് വെട്ടത്തൂരിലെ കെ.എം.എ ലത്വീഫ് ഹാജിക്ക് ആയിരങ്ങളുടെ യാത്രാമൊഴി. ജനാസ ഇന്നലെ രാവിലെ ഒന്‍പതിന് കാപ്പ് ജുമാമസ്ജിദ് ഖബര്‍സ്ഥാനില്‍ ഖബറടക്കി.
നാലുതവണയായി നടന്ന മയ്യിത്ത് നിസ്‌കാരത്തിന് പാണക്കാട് സയ്യിദ് ഹൈദരലി ശിഹാബ് തങ്ങള്‍, സമസ്ത പ്രസിഡന്റ് കുമരംപൂത്തൂര്‍ എ.പി മുഹമ്മദ് മുസ്‌ലിയാര്‍, പാണക്കാട് സയ്യിദ് ബഷീറലി ശിഹാബ് തങ്ങള്‍, പാണക്കാട് സയ്യിദ് ഹമീദലി ശിഹാബ് തങ്ങള്‍ എന്നിവര്‍ നേതൃത്വം നല്‍കി. പാണക്കാട് സയ്യിദ് മുനവ്വറലി ശിഹാബ് തങ്ങള്‍, സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍, സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍, സമസ്ത വൈസ് പ്രസിഡന്റ് എം.ടി അബ്ദുല്ല മുസ്‌ലിയാര്‍, സമസ്ത ജില്ലാ ജനറല്‍ സെക്രട്ടറി പി. കുഞ്ഞാണി മുസ്‌ലിയാര്‍, മുശാവറ അംഗങ്ങളായ ടി.പി ഇപ്പ മുസ്‌ലിയാര്‍, വാക്കോട് മൊയ്തീന്‍ കുട്ടി ഫൈസി, എസ്.വൈ.എസ് സംസ്ഥാന സെക്രട്ടറിമാരായ ഹാജി കെ മമ്മദ് ഫൈസി, കെ.എ റഹ്മാന്‍ ഫൈസി, മുസ്‌ലിം ലീഗ് സംസ്ഥാന സെക്രട്ടറി കെ.പി.എ മജീദ്, ഇ.ടി മുഹമ്മദ് ബഷീര്‍ എം.പി, പുത്തനഴി മൊയ്തീന്‍ ഫൈസി, കാളാവ് സൈതലവി മുസ്‌ലിയാര്‍, ഹസന്‍ സഖാഫി പൂക്കോട്ടൂര്‍, ഹാജി യു മുഹമ്മദ് ശാഫി, ഹകീം ഫൈസി ആദൃശ്ശേരി, എം.എല്‍.എമാരായ പി.കെ അബ്ദുറബ്ബ്, മഞ്ഞളാം കുഴി അലി, അഡ്വ. എന്‍ ശംസുദ്ദീന്‍, പി അബ്ദുല്‍ ഹമീദ്, സഊദി കെ.എം.സി.സി പ്രസിഡന്റ് കെ.പി മുഹമ്മദ് കുട്ടി, മക്ക കെ.എം.സി.സി പ്രസിഡന്റ് പാലോളി മുഹമ്മദ് അലി, മുജീബ് പൂക്കോട്ടൂര്‍, അബൂമൗലവി, ഇബ്രാഹീം ഫൈസി തിരൂര്‍ക്കാട്, സി.പി സൈതലവി, ടി മുഹമ്മദ് ഹാരിസ്, ഡോ. നാട്ടിക മുഹമ്മദലി വസതി സന്ദര്‍ശിച്ചു.
ലത്വീഫ് ഹാജിയുടെ പേരിലുള്ള അനുസ്മരണവും പ്രാര്‍ഥനാസദസും 22ന് വൈകിട്ട് നാലിന് കാപ്പ് പള്ളിപ്പടിയില്‍ നടക്കും.