കൊച്ചി: എറണാകുളം നേര്യമംഗലം ഊന്നുകല്ലില്‍ ടൂറിസ്റ്റ് ബസ് മറിഞ്ഞ് 15 വിദ്യാര്‍ഥികള്‍ക്കു പരുക്ക്. തമിഴ്‌നാട് സ്വദേശികളായ മെഡിക്കല്‍ വിദ്യാര്‍ഥികള്‍ക്കാണ് പരുക്കേറ്റത്. തമിഴ്‌നാട് സേലത്തെ കോളജില്‍ നിന്നും വിദ്യാര്‍ഥികളുമായി മൂന്നാറിലേക്കു വിനോദയാത്രക്കു പുറപ്പെട്ട സംഘമാണ് അപകടത്തില്‍പ്പെട്ടത്. ഇന്ന് പുലര്‍ച്ചെ ആറരയോടെയായിരുന്നു അപകടം. പരുക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചു. വിദ്യാര്‍ഥികളുടെ പരുക്ക് ഗുരുതരമല്ല.