കുന്നംകുളം: കേച്ചേരിയില്‍ കട കുത്തിതുറന്ന് മോഷണം നടത്താന്‍ ശ്രമിച്ച പിടികിട്ടാപ്പുളളിയായ പ്രതിയെ പത്ത് വര്‍ഷത്തിനു ശേഷം കുന്നംകുളം പൊലിസ് പിടികൂടി. ചേര്‍പ്പ് കാട്ടൂരില്‍ താമസിക്കുന്ന അമ്പലത്ത് വീട്ടില്‍ താഹിറി(35)നെയാണ് കുന്നംകുളം പൊലിസ് അറസ്റ്റ് ചെയ്തത്. 2006 ലാണ് കേച്ചേരിയില്‍ ആയുധമുപയോഗിച്ച് കട കുത്തിതുറക്കാന്‍ ശ്രമിച്ച ഇയാളെ കുന്നംകുളം പൊലിസ് പിടികൂടിയത്. തുടര്‍ന്ന് കോടതിയില്‍ നിന്ന് ജാമ്യമെടുത്ത ഇയാള്‍ തുടര്‍വിചാരണകളില്‍ ഹാജരാകാത്തതിനെ തുടര്‍ന്ന് ഇയാളെ പിടികിട്ടാപ്പുള്ളിയായി പ്രഖ്യാപിക്കുകയായിരുന്നു. ഇയാള്‍ ചേര്‍പ്പിലുണ്ടെന്ന രഹസ്യ വിവരത്തെ തുടര്‍ന്ന് കഴിഞ്ഞ ദിവസം പൊലിസ് സ്ഥലത്തെത്തി അറസ്റ്റ് ചെയ്യുകയായിരുന്നു.