ബാലുശ്ശേരി: നന്മണ്ട-നരിക്കുനി സൂപ്പി റോഡില്‍ ട്രാന്‍സ്‌ഫോമര്‍ അപകട ഭീതി പരത്തുന്നു. കാക്കൂര്‍ ഇലക്ട്രിസിറ്റി ബോര്‍ഡാണു സുരക്ഷാ വേലിയില്ലാത്തതിനാല്‍ നാട്ടുകാരില്‍ ആശങ്ക ഉയര്‍ത്തുന്നത്.
കൊച്ചുകുട്ടികള്‍ക്കു പോലും എത്തിപ്പിടിക്കാവുന്ന ഉയരത്തിലാണ് ഫ്യൂസുകളും മറ്റും സ്ഥാപിച്ചിട്ടുള്ളത്. ട്രാന്‍സ്‌ഫോമര്‍ ഉയര്‍ത്തി സ്ഥാപിക്കുന്നതിന് ബോര്‍ഡില്‍ പരാതി നല്‍കിയിരുന്നെങ്കിലും പരിഹാരമായിട്ടില്ല. നന്മണ്ട ഹയര്‍സെക്കന്‍ഡറി, അമ്പലപ്പൊയില്‍ സ്‌കൂള്‍, മദ്‌റസ എന്നിവിടങ്ങളിലെ നൂറുകണക്കിനു വിദ്യാര്‍ഥികള്‍ ഇതിനടുത്തുകൂടിയാണു കടന്നുപോകുന്നത്.