മലപ്പുറം: ഫെബ്രുവരിയില്‍ മഞ്ചേരി ഹുദൈബിയയില്‍ നടക്കുന്ന എസ്.കെ.എസ്.എഫ് മദീനാ പാഷനോടനുബന്ധിച്ചു ജില്ലയിലെ കാംപസുകള്‍ കര്‍മപദ്ധതികള്‍ നടപ്പാക്കും. പ്രൊഫഷണല്‍ കാംപസുകളുള്‍പ്പെടെ ജില്ലയിലെ കലാലയങ്ങളില്‍ വിദ്യാര്‍ഥികള്‍ക്കായി ബഹുമുഖ പദ്ധതികളാണ് സമര്‍പ്പിക്കുന്നത്.
സംസ്ഥാനതലത്തില്‍ കാംപസ് വിങ് ആചരിക്കുന്ന ബിസ്മില്ല കാംപയിന്‍ നടന്നുവരികയാണ്. രണ്ടാഴ്ചയ്ക്കകം കാംപസുകളില്‍ പുതിയ യൂനിറ്റുകള്‍ നിലവില്‍വരും. യൂനിറ്റ് ഭാരവാഹികളെയും പ്രതിനിധികളെയും പങ്കെടുപ്പിച്ച് ഒക്ടോബര്‍ പത്തിനു രാവിലെ പത്തിനു മലപ്പുറത്ത് ജില്ലാ കാംപസ് പ്രതിനിധി സംഗമവും നടത്തും.
മലപ്പുറം സുന്നീമഹല്‍ ഓഡിറ്റോറിയത്തില്‍ ചേര്‍ന്ന കാംപസ് വിങ്  മീറ്റ് ജില്ലാ എസ്.കെ.എസ്.എസ്.എഫ് ജനറല്‍ സെക്രട്ടറി ശഹീര്‍ അന്‍വരി പുറങ്ങ് ഉദ്ഘാടനം ചെയ്തു. വൈസ് പ്രസിഡന്റ് ഉമര്‍ദാരിമി പുളിയക്കോട് അധ്യക്ഷനായി. ഉമറുല്‍ ഫാറൂഖ് കരിപ്പൂര്‍, ഫാറൂഖ് ഫൈസി മണിമൂളി, ഷുകൂര്‍ വെട്ടത്തൂര്‍, ഇസ്മാഈല്‍ അരിമ്പ്ര, റിയാസ് കൂഫ, നിസാമുദ്ദീന്‍ പുതുപ്പറമ്പ്, യൂസുഫ് വാഫി, ശഫീഖ് പൂക്കൊളത്തൂര്‍, മുഹമ്മദലി തിരൂരങ്ങാടി, സുഹൈല്‍ പാറക്കടവ് സംസാരിച്ചു.