പരപ്പനങ്ങാടി: എസ്.കെ.എസ്.എസ്.എഫ് സംസ്ഥാന കമ്മിറ്റി തീരദേശങ്ങളില്‍ ആരംഭിക്കുന്ന കോസ്റ്റല്‍ കെയര്‍ പദ്ധതിയുടെ ജില്ലാതല ഉദ്ഘാടനം ഇന്നു വൈകിട്ട് ഏഴിനു പരപ്പനങ്ങാടി അരയന്‍കടപ്പുറം മിസ്ബാഹുല്‍ ഹുദാ കേന്ദ്ര മദ്‌റസാ പരിസരത്തു നടക്കും. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും.
ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി അധ്യക്ഷനാകും. സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍ മുഖ്യപ്രഭാഷണം നടത്തും. പി.കെ അബ്ദുറബ്ബ് എം.എല്‍.എ, സയ്യിദ് പി.എസ്.എച്ച് തങ്ങള്‍, സയ്യിദ് എ.എസ്.കെ തങ്ങള്‍ കൊടക്കാട്, യു. ശാഫി ഹാജി ചെമ്മാട്, ജില്ലാ സെക്രട്ടറി ശഹീര്‍ അന്‍വരി പുറങ്ങ്, കുവൈത്ത് കേരളാ ഇസ്‌ലാമിക് കൗണ്‍സില്‍ നേതാക്കളായ ശംസുദ്ദീന്‍ ഫൈസി എടയാറ്റൂര്‍, മുഹമ്മദലി പുതുപ്പറമ്പ്, നാസര്‍ കോഡൂര്‍, ഇസ്മാഈല്‍ ഹുദവി പാലത്തിങ്ങല്‍, ഇ.എസ് അബ്ദുറഹ്മാന്‍ ഹാജി തലക്കട്ടൂര്‍, ഗഫൂര്‍ ഫൈസി കുവൈത്ത്, മുനിസിപ്പല്‍ വൈസ് ചെയര്‍മാന്‍ എച്ച്. ഹനീഫ പങ്കെടുക്കും.