പേരാമ്പ്ര: മലബാര്‍ ദേവസ്വം എംപ്ലോയീസ് യൂനിയന്‍ കോഴിക്കോട് ജില്ലാ സമ്മേളനം 24ന് പേരാമ്പ്ര ദാറുന്നുജൂം കോളജില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
എക്‌സൈസ്, തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. മലബാര്‍ ദേവസ്വം ബോര്‍ഡിന്റെ കീഴിലെ മുഴുവന്‍ ക്ഷേത്രജീവനക്കാര്‍ക്കും ശമ്പള പരിഷ്‌കരണം എത്രയും പെട്ടെന്ന് നടപ്പാക്കുക, ഗ്രേഡ് നോക്കാതെ സേവന, വേതന വ്യവസ്ഥകള്‍ പരിഷ്‌കരിച്ച് നടപ്പാക്കുക തുടങ്ങിയ ആവശ്യങ്ങളാണ് സംഘടന ഉന്നയിക്കുന്നത്. എ.കെ പത്മനാഭന്‍ മാസ്റ്റര്‍, ടി.കെ ലോഹിതാക്ഷന്‍, ഒ.പി സുധാകരന്‍, ടി.കെ ലോഹിതാക്ഷന്‍, ശശികുമാര്‍ പേരാമ്പ്ര, എം. പ്രദീപന്‍ പത്രസമ്മേളനത്തില്‍ പങ്കെടുത്തു.