കുന്ദമംഗലം: കളരിക്കണ്ടിയില്‍ കൊപ്പ്രച്ചേവ് കത്തി നശിച്ചു. കുനിയംകുളങ്ങര സൈഫുദ്ദീന്റെ ഉണക്കാനിട്ട കൊപ്രയും തേങ്ങയുമാണ് കത്തി നശിച്ചത്. ഇന്നലെ വൈകിട്ട് മൂന്നിനാണ് സംഭവം. കെട്ടിടത്തിന്റെ മേല്‍ക്കൂര പൂര്‍ണമായും കത്തിനശിച്ചു.
രണ്ട് ലക്ഷം രൂപയുടെ നഷ്ടം കണക്കാക്കുന്നു. നരിക്കുനിയില്‍ നിന്നെത്തിയ ഫയര്‍ഫോഴ്‌സും നാട്ടുകാരും ചേര്‍ന്നാണ് തീയണച്ചത്. 7,000ത്തോളം നാളികേരവും 10,000 തേങ്ങയുടെ ഉണക്കാനിട്ടിരിക്കുന്ന കൊപ്രയും പൂര്‍ണമായും നശിച്ചു.
ചേവില്‍നിന്ന് തീപടര്‍ന്നതാണ് അഗ്നിബാധയ്ക്കു കാരണമെന്നു കരുതുന്നു. സമീപത്തെ വാഴകള്‍ അടക്കമുള്ള കൃഷിയും കത്തിനശിച്ചിട്ടുണ്ട്.