എരുമപ്പെട്ടി: എരുമപ്പെട്ടി നെല്ലുവായിയില്‍ വിവാഹ പാര്‍ട്ടി സഞ്ചരിച്ചിരുന്ന കാര്‍ വിയന്ത്രണം വിട്ട് റോഡരുകിലെ കോണ്‍ഗ്രീറ്റ് സ്ലാബിലിടിച്ച് മൂന്ന് പേര്‍ക്ക് പരുക്ക് പറ്റി. കാര്‍യാത്രക്കാരായ വെള്ളറക്കാട് പുത്തന്‍പീടികയില്‍ മുത്തു (62) പൂവ്വത്തിങ്കല്‍ നൗഷാദ് (45) ഇയാളുടെ 12 വയസുള്ള മകള്‍ ഷഹന എന്നിവര്‍ക്കാണ് പരുക്ക് പറ്റിയത്. ഇവരെ എരുമപ്പെട്ടി ആക്ട്‌സ് പ്രവര്‍ത്തകര്‍ വടക്കാഞ്ചേരിയിലെ സ്വകാര്യ അശുപത്രിയില്‍ പ്രവേശിപ്പിച്ചു. ഒറ്റപാലത്ത് നിന്ന് വെള്ളറക്കാടുള്ള വിവാഹ വീട്ടിലേക്ക് മടങ്ങിവരുന്നതിനിടയിലാണ് അപകടമുണ്ട@ായത്. നെല്ലുവായ് സെന്ററിന് സമീപം റോഡരുകിലെ കാനയില്‍ ചാടി സ്ലാബിലിടിച്ച കാര്‍ നടുറോഡില്‍ എതിര്‍ ദിശയിലേക്ക് തിരിഞ്ഞ് നില്‍ക്കുകയായിരുന്നു. റോഡരുകിലെ മതിലിലും വൈദ്യുകി കാലിലും മറ്റ് വാഹനങ്ങളിലും ഇടിക്കാതിരുന്നതിനാല്‍ വന്‍ അപകടം ഒഴുവാകുകയായിരുന്നു.