ന്യൂഡല്‍ഹി: ഉറി സൈനിക ക്യാമ്പ് ആക്രമണം നടത്തിയ ഭീകരര്‍ക്ക് പാകിസ്താെന്റ സഹായം ലഭിച്ചിരുന്നതിന് ഭീകരര്‍ ഉപയോഗിച്ച വയര്‍ലെസ് സെറ്റുകള്‍ തെളിവായേക്കും. ജപ്പാന്‍ നിര്‍മിത വയര്‍ലെസ് സെറ്റുകളാണ് ഭീകരര്‍ ഉപയോഗിച്ചിരുന്നത്. ജാപ്പനീസ് കമ്പനിയായ ഐകോം ആണ്് ഇതു നിര്‍മിച്ചതെന്ന് ദേശീയ അന്വേഷണ ഏജന്‍സി (എന്‍.ഐ.എ) കണ്ടെത്തിയിട്ടുണ്ട്.

ഏതെങ്കിലും രാജ്യത്തിെന്റ സുരക്ഷാ സേനകള്‍ക്ക് മാത്രമേ ഇത്തരം വയര്‍ലെസ് സെറ്റുകള്‍ ഉപയോഗിക്കാന്‍ സാധിക്കൂ. അതിനാല്‍ ജപ്പാന്‍ കമ്പനി ഇവ വിറ്റത് പാകിസ്താനാണോയെന്ന് എന്‍.ഐ.എ പരിശോധിക്കും. ഭീകരരില്‍ നിന്നും കണ്ടെത്തിയ വയര്‍ലെസ് മോഡലിന്റെ പാകിസ്താനിലെ വില്‍പ്പന സംബന്ധിച്ച വിവരങ്ങള്‍ ഇന്ത്യ ആരാഞ്ഞിട്ടുണ്ട്.

സെപ്തംബര്‍ 18ന് കശ്മീരിലെ ഉറി സൈനിക താവളത്തിലുണ്ടായ ഭീകരാക്രമണത്തില്‍ 18 സൈനികര്‍ കൊല്ലപ്പെട്ടിരുന്നു. ഏറ്റുമുട്ടലിനൊടുവില്‍ നാലു ഭീകരരെയും സൈന്യം വധിച്ചു. സംഭവസ്ഥലത്തുനിന്നും ഒ്‌ട്ടേറെ യുദ്ധസാമഗ്രികള്‍ സൈന്യം കണ്ടെത്തിയിരുന്നു.