ബിരുദ പ്രവേശനം:
തിയതി നീട്ടി

സര്‍വകലാശാലയോട് അഫിലിയേറ്റ് ചെയ്ത ആര്‍ട്‌സ് ആന്‍ഡ് സയന്‍സ് കോളജുകളിലും കേന്ദ്രങ്ങളിലും ഒന്നാം വര്‍ഷ ബിരുദ (2016-17) പ്രവേശനത്തിനുള്ള അവസാന തിയതി ഈ മാസം 30 വരെ നീട്ടി.  നിലവിലുള്ള റാങ്ക് ലിസ്റ്റില്‍ നിന്നായിരിക്കും പ്രവേശനം നടത്തുക.

പി.ജി ഡിപ്ലോമ ഇന്‍
ബയോമെഡിക്കല്‍
സയന്‍സസ് ഫലം
മാര്‍ച്ചില്‍ നടത്തിയ പോസ്റ്റ് ഗ്രാജുവേറ്റ് ഡിപ്ലോമ ഇന്‍ ബയോ മെഡിക്കല്‍ സയന്‍സസ് പരീക്ഷയുടെ ഫലം വെബ്‌സൈറ്റില്‍ (ംംം.സലൃമഹമൗിശ്‌ലൃശെ്യേ.മര.ശി) ലഭിക്കും.

എം.എസ്.സി
മാത്തമാറ്റിക്‌സ് ഫലം
ജൂലൈയില്‍ നടത്തിയ എം.എസ്‌സി മാത്തമാറ്റിക്‌സ് (2014-2016 ബാച്ച്-സി.എസ്.എസ്) പരീക്ഷാഫലം പ്രസിദ്ധീകരിച്ചു. ശ്രുതി ജി.എസ് (രജി.നം. ങഅഠ 140506) ഒന്നാം റാങ്ക് നേടി.

യൂനിറ്ററി
എല്‍.എല്‍.ബി പരീക്ഷ
ഒക്ടോബര്‍ 25നു തുടങ്ങുന്ന നാലാം സെമസ്റ്റര്‍ യൂനിറ്ററി എല്‍.എല്‍.ബി (ത്രിവത്സരം) പരീക്ഷയ്ക്ക് 29 മുതല്‍ ഓണ്‍ലൈന്‍ വഴി രജിസ്റ്റര്‍ ചെയ്യാം. പിഴ കൂടാതെ ഒക്ടോബര്‍ ആറ് (50 രൂപ പിഴയോടെ ഒക്ടോബര്‍ 13, 250 രൂപ പിഴയോടെ ഒക്ടോബര്‍ 14) വരെ ഫീസ് അടയ്ക്കാം.

യൂനിറ്ററി എല്‍.എല്‍.ബി സൂക്ഷ്മ പരിശോധന
ഏപ്രിലില്‍ നടത്തിയ അഞ്ചാം സെമസ്റ്റര്‍ യൂനിറ്ററി എല്‍.എല്‍.ബി പരീക്ഷയുടെ സൂക്ഷ്മ പരിശോധനയ്ക്ക് അപേക്ഷിച്ചവര്‍ 27 മുതല്‍ ഒക്ടോബര്‍ മൂന്നുവരെയുള്ള പ്രവൃത്തി ദിവസങ്ങളില്‍ വൈകിട്ടു മൂന്നുമുതല്‍ അഞ്ചുവരെയുള്ള സമയങ്ങളില്‍ തിരിച്ചറിയല്‍ രേഖ, ഹാള്‍ടിക്കറ്റ് എന്നിവ സഹിതം പുനര്‍മൂല്യനിര്‍ണയ വിഭാഗത്തില്‍ ഹാജരാകണം.

എം.എ അറബിക് ലാംഗ്വേജ് ആന്‍ഡ് ലിറ്ററേച്ചര്‍ ഫലം
ജൂലൈയില്‍ നടത്തിയ എം.എ അറബിക് ലാംഗ്വേജ് ആന്‍ഡ് ലിറ്ററേച്ചര്‍ (2014-2015 ബാച്ച്-സി.എസ്.എസ്) പരീക്ഷാഫലം പ്രസിദ്ധീകരിച്ചു. ഷംനാദ് ജെ.എസ് (രജി.നം ARB 140503) ഒന്നാം റാങ്ക് നേടി.

ബി.എഫ്.എ ഫലം
ജൂണില്‍ നടത്തിയ നാല്, എട്ട് സെമസ്റ്റര്‍ ബി.എഫ്.എ (ഹിയറിങ് ഇംപയേര്‍ഡ്) പരീക്ഷകളുടെ ഫലം വെബ്‌സൈറ്റില്‍ (www.keralauniversity.ac.in) ലഭിക്കും.  പൂനര്‍മൂല്യനിര്‍ണയത്തിനും സൂക്ഷ്മപരിശോധനയ്ക്കും ഒക്ടോബര്‍ 17 വരെ അപേക്ഷിക്കാം.

എം.എ ഹിന്ദി പ്രോജക്ട്
വിദൂരവിദ്യാഭ്യാസ വിഭാഗം എം.എ ഹിന്ദി (2016) അവസാന വര്‍ഷ വിദ്യാര്‍ഥികള്‍ക്ക് ഒക്ടോബര്‍ അഞ്ചുവരെ പ്രോജക്ട് സമര്‍പ്പിക്കാം.

എം.എസ്.സി സ്റ്റാറ്റിസ്റ്റിക്‌സ് പ്രാക്ടിക്കല്‍വെവ
ജൂലൈയില്‍ നടത്തിയ നാലാം സെമസ്റ്റര്‍ എം.എസ്‌സി സ്റ്റാറ്റിസ്റ്റിക്‌സ് പരീക്ഷയുടെ പ്രാക്ടിക്കലും വൈവയും ഒക്ടോബര്‍ നാലുമുതല്‍ ഏഴുവരെ രാവിലെ 9.30 മുതല്‍ 4.30 വരെ അതത് കോളജുകളില്‍ നടക്കും. ടൈംടേബിള്‍ വെബ്‌സൈറ്റില്‍ (www.keralauniversity.ac.in) ലഭിക്കും.

എം.എസ്.സി
സ്റ്റാറ്റിസ്റ്റിക്‌സ് ഫലം
കാര്യവട്ടം സ്റ്റാറ്റിസ്റ്റിക്‌സ് പഠനവകുപ്പ് (സി.എസ്.എസ്) ജൂലൈയില്‍ നടത്തിയ എം.എസ്.സി സ്റ്റാറ്റിസ്റ്റിക്‌സ് (2014-2016) പരീക്ഷയുടെ ഫലം പ്രസിദ്ധീകരിച്ചു. അപര്‍ണ്ണ സി (രജി.നം S-T-A 140503) ഒന്നാം റാങ്ക് നേടി.

യോഗ സര്‍ട്ടിഫിക്കറ്റ്
കോഴ്‌സ്: സീറ്റൊഴിവ്
വേദാന്ത പഠനകേന്ദ്രത്തിന്റെ ആഭിമുഖ്യത്തില്‍ നടക്കുന്ന യോഗ സര്‍ട്ടിഫിക്കറ്റ് കോഴ്‌സിനു നാല് ഒഴിവുണ്ട്.  അടിസ്ഥാന യോഗ്യത പ്ലസ്ടു. ഫോണ്‍. 8281721358.