തേഞ്ഞിപ്പലം: തീവ്രവാദ പ്രവര്‍ത്തനങ്ങള്‍ ഇസ്‌ലാമിന് അന്യമാണെന്ന് കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ ഓര്‍മിപ്പിച്ചു. ഐ.എസ് സലഫിസം, ഫാസിസം എന്ന പ്രമേയത്തില്‍ വള്ളിക്കുന്ന് മണ്ഡലം സമസ്ത കോഡിനേഷന്‍ കമ്മറ്റി ചേളാരി സൈനുല്‍ ഉലമാ നഗറില്‍ സംഘടിപ്പിച്ച ആദര്‍ശ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു തങ്ങള്‍. കലാപഭൂമികളില്‍ പോലും സൗഹൃദാന്തരീക്ഷം തീര്‍ത്ത പാരമ്പര്യമാണ് നമ്മുടെ പൂര്‍വസൂരികള്‍ക്കുള്ളതെന്നും തങ്ങള്‍ കൂട്ടിച്ചേര്‍ത്തു.
ബാവ ഫൈസി തലപ്പാറ അധ്യക്ഷനായി. സലഫിസം എന്ന വിഷയം എസ്.വൈ .എസ് സംസ്ഥാന സെക്രട്ടറി അബ്ദുല്‍ ഹമീദ് ഫൈസി അമ്പലക്കടവും ഐ.എസ്  എന്ന വിഷയം എസ്.കെ.എസ്.എസ്.എഫ് സംസ്ഥാന സെക്രട്ടറി  സത്താര്‍ പന്തല്ലൂരും ഫാസിസം എന്ന വിഷയം നാസര്‍ ഫൈസി കൂടത്തായിയും അവതരിപ്പിച്ചു. എസ്.കെ.ജെ.എം.സി.സി മാനേജര്‍ എം.എ ചേളാരി, എസ്.വൈ.എസ് മണ്ഡലം പ്രസിഡന്റ് എ അശ്‌റഫ് മുസ്‌ലിയാര്‍, സെക്രട്ടറി കെ.വി മുസ്തഫ ദാരിമി, പി.പി അബൂബക്കര്‍ മുസ്‌ലിയാര്‍ സൂപ്പര്‍ബസാര്‍, റഹീം മാസ്റ്റര്‍ ചുഴലി, എസ്.കെ.എസ്.എസ്.എഫ് തിരൂരങ്ങാടി ഏരിയാ പ്രസിഡന്റ് എസ്.എം തങ്ങള്‍ ചേളാരി, കെ.ടി.എം ദാരിമി കൂമണ്ണ, എസ്.വൈ.എസ് മണ്ഡലം ട്രഷറര്‍ ഹംസക്കോയ മൗലവി പടിക്കല്‍, തേഞ്ഞിപ്പലം റെയ്ഞ്ച് പ്രസിഡന്റ് സി മുഹമ്മദ് ഫൈസി, മുഹമ്മദ് ബാഖവി, ഹംസ ദാരിമി, ടി.പി ഹസൈന്‍ മാസ്റ്റര്‍ സംസാരിച്ചു.