മലപ്പുറം: ഉപജില്ലാ ഗെയിംസ് മത്സരങ്ങളില്‍ പെണ്‍കുട്ടികളുടെ വിഭാഗത്തില്‍ 54 പോയിന്റ് നേടി മലപ്പുറം ഗവ.ഗേള്‍സ് ഹൈസ്‌കൂള്‍ ഓവറോള്‍ ചാംപ്യന്മാരായി. സീനിയര്‍, ജൂനിയര്‍ വിഭാഗം കബഡി, ഖൊഖൊ എന്നിവയില്‍ ഒന്നാം സ്ഥാനവും ഷട്ടില്‍ ബാഡ്മിന്റണില്‍ രണ്ടാംസ്ഥാനവും നേടി. ജൂനിയര്‍ വിഭാഗം ചെസ് മത്സരത്തില്‍ മൂന്നാം സ്ഥാനവും സ്‌കൂളിനാണ്. റവന്യൂ ജില്ലാ തൈക്വാണ്‍ഡോ മത്സരത്തില്‍ ജൂനിയര്‍ വിഭാഗം ഒന്നും മൂന്നും സ്ഥാനങ്ങളും കരസ്ഥമാക്കി. സംസ്ഥാന സ്‌കൂള്‍ തൈക്വാണ്‍ഡോ മത്സരത്തില്‍ പങ്കെടുക്കാന്‍ സ്‌കൂളിലെ എം.പി അഖില അര്‍ഹത നേടി.