പുലാമന്തോള്‍: തിരുവനന്തപുരം സെന്‍ട്രല്‍ സ്റ്റേഡിയത്തില്‍ വെച്ച് നടന്ന 16 മതു സബ്ജൂനിയര്‍ സംസ്ഥാന വുഷു ചാമ്പ്യന്‍ഷിപ്പില്‍ മലപ്പുറത്തിന് ഓവറോള്‍ കിരീടം. ഒന്നാം സ്ഥാനം മലപ്പുറവും രണ്ടാം സ്ഥാനം കോഴിക്കോടും മൂന്നാം സ്ഥാനം തിരുവനന്തപുരവും കരസ്ഥമാക്കി.
മലപ്പുറത്തു നിന്നും 12 ഗോള്‍ഡും 6 സില്‍വറും കരസ്ഥമാക്കി സ്‌കൂള്‍ ഓഫ് മാര്‍ഷ്യല്‍ ആര്‍ട്‌സ് ഐ.ഡി.കെ പുലാമന്തോളും 10 ഗോള്‍ഡ് മെഡലുമായി എടപ്പാളും മൂന്ന് ഗോള്‍ഡും ഒരു സില്‍വറും ഒരു ബ്രൗണ്‍സും നേടി പെരിന്തല്‍മണ്ണയും മൂന്ന് ഗോള്‍ഡും രണ്ടു സില്‍വറും നേടി കൊണ്ടോട്ടിയും ഒരു ഗോള്‍ഡും ഒരു സില്‍വറും നേടി കാളികാവുമാണു ജേതാക്കളായത്.
മലപ്പുറത്തു നിന്നും വിജയിച്ച മത്സരാര്‍ഥികളെ ഒക്ടോബര്‍ എട്ടു മുതല്‍ 12 വരെ കോയമ്പത്തൂരില്‍ നടക്കുന്ന ദേശീയ വുഷു ചാമ്പ്യന്‍ഷിപ്പില്‍ പങ്കെടുപ്പിക്കുമെന്നു മലപ്പുറം ജില്ലാ വുഷു അസോസിയേഷന്‍ സെക്രട്ടറി സൈഫുള്ള പി.ടി അറിയിച്ചു.