ലണ്ടന്‍: ഇംഗ്ലണ്ട് ഫുട്‌ബോള്‍ ടീം കോച്ച് സാം അലാര്‍ഡൈസ് രാജിവച്ചു. ഇംഗ്ലീഷ് ദിനപത്രം ഡെയ്‌ലി ടെലഗ്രാഫിന്റെ ഒളികാമറാ വീഡിയോയില്‍ അല്ലാര്‍ഡൈസ് കൈക്കൂലി വാങ്ങുന്നതും ഫുട്‌ബോള്‍ അസോസിയേഷനെ വിമര്‍ശിക്കുന്നതും കഴിഞ്ഞ ദിവസം പുറത്തു വന്നിരുന്നു.
ഈ പശ്ചാത്തലത്തിലാണ് അലാര്‍ഡൈസ് രാജിവച്ചു. രണ്ടു മാസങ്ങള്‍ക്ക് മുമ്പാണ് അല്ലാര്‍ഡൈസ് ഇംഗ്ലീഷ് ടീമിന്റെ പരിശീലന സ്ഥാനം ഏറ്റെടുത്തത്. ഒരു മത്സരത്തില്‍ മാത്രമാണ് അദ്ദേഹം ടീമിനെ പരിശീലിപ്പിച്ചത്.
വിവാദ ദൃശ്യങ്ങളുടെ പശ്ചാത്തലത്തില്‍ ഇംഗ്ലീഷ് ഫുട്‌ബോള്‍ അസോസിയേഷന്‍ അല്ലാര്‍ഡൈസിനെതിരേ അന്വേഷണത്തിന് ഉത്തരവിട്ടിരുന്നു. തനിക്കറിയാവുന്ന ഒരാളെ രക്ഷിക്കാനുള്ള ശ്രമത്തിനിടെ വിവാദ പ്രസ്താവനകള്‍ ദൃശ്യങ്ങളില്‍ പതിഞ്ഞതാണെന്ന് അല്ലാര്‍ഡൈസ് വ്യക്തമാക്കി. തന്നെ കെണിയില്‍ പെടുത്താന്‍ ശ്രമിച്ചവര്‍ തന്റെ രാജിയോടെ ആ ഉദ്യമത്തില്‍ വിജയിച്ചെന്നും അദ്ദേഹം കൂട്ടിച്ചേര്‍ത്തു.