മൂന്നാര്‍: ടാക്‌സി ഡ്രൈവര്‍മാര്‍ തമ്മിലുണ്ടായ സംഘര്‍ഷത്തെ തുടര്‍ന്ന് അസോസിയേഷന്‍ ഓഫീസ് പൊലിസ് അടച്ചുപൂട്ടി.
മൂന്നാര്‍ ടൗണില്‍ പ്രവര്‍ത്തിക്കുന്ന ടാക്‌സി സ്റ്റാന്റ് അസോസിയേഷന്റെ ഓഫീസാണ് മൂന്നാര്‍ സി.ഐ. ശ്യാം ജോസിന്റെ നേത്യത്വത്തിലുള്ള സംഘം അടച്ചുപൂട്ടിയത്.
രാവിലെ ടാക്‌സി ഡ്രൈവേഴ്‌സ് അസോസിയേഷന്റെ യോഗം മൂന്നാര്‍ മര്‍ച്ചന്റ് ഹാളില്‍ നടന്നിരുന്നു. ഭാരവാഹികള്‍ അസോസിയേഷന്റെ കണക്കുകള്‍ നല്‍കുന്നതില്‍ പിഴവുകാട്ടിയതാണ് പ്രശ്‌നങ്ങള്‍ക്കിടയാക്കിയത്. കെട്ടിടത്തിന്റെ നടത്തിപ്പ് സംബന്ധിച്ച് പൊലിസ് ദേവികുളം സബ് കലക്ടര്‍ ശ്രീറാം വെങ്കിട്ടരാമന് റിപ്പോര്‍ട്ട് നല്‍കും. പഞ്ചായത്തിന്റെ ഉടമസ്ഥതയിലുള്ള കെട്ടിടത്തിലാണ് അസോസിയേഷന്‍ ഓഫീസ് പ്രവര്‍ത്തിക്കുന്നത്.