ന്യൂഡല്‍ഹി: ഇന്ത്യയിലെ പാക് ഹൈക്കമ്മിഷണര്‍ അബ്ദുല്‍ ബാസിതിന് ഫോണ്‍ ഭീഷണി. ഉടന്‍ ഇന്ത്യ വിട്ടുപോവണമെന്നാവശ്യപ്പെട്ടാണ് അജ്ഞാതന്‍ ഫോണിലൂടെ ഭീഷണിപ്പെടുത്തിയത്.

ഇന്ത്യയില്‍ നിന്ന് മടങ്ങിപ്പോകുന്നതാണ് താങ്കള്‍ക്ക് നല്ലതെന്നാണ് ഭീഷണിപ്പെടുത്തിയത്. സംഭവം അബ്ദുല്‍ ബാസിത് ഇന്ത്യന്‍ വിദേശകാര്യ മന്ത്രാലയത്തെ അറിയിച്ചിട്ടുണ്ട്. ഫോണ്‍വിളിയെപ്പറ്റി അന്വേഷണം ആരംഭിച്ചു.